Կիպրոսը կողմ է Հայաստանի և Ադրբեջանի միջև խաղաղության պայմանագրի շուտափույթ ստորագրմանը
ԵՐԵՎԱՆ, 19 մայիսի․/Նովոստի–Արմենիա/․ Կիպրոսի Ներկայացուցիչների պալատի խոսնակ Անիտա Դիմիտրիուն ցանկանում է, որ Հայաստանի և Ադրբեջանի միջև խաղաղության պայմանագիրը ստորագրվի հնարավորինս շուտ։
«Տարածաշրջանում Հայաստանի և Ադրբեջանի միջև պետք է խաղաղություն հաստատվի որքան հնարավոր է շուտ», - հայտարարեց նա երկուշաբթի ՀՀ ԱԺ խոսնակ Ալեն Սիմոնյանի հետ համատեղ մամուլի ասուլիսի ժամանակ։
Դիմիտրիուն նաև հայտարարեց, որ Սիմոնյանն աջակցություն է հայտնել Կիպրոսի խնդրի կարգավորմանը՝ համապատասխան բանաձևերի շրջանակում։
ՀՀ ԱԺ խոսնակն, իր հերթին, նույնպես ներկայացրեց հայ-ադրբեջանական խաղաղության պայմանագրի շուրջ զարգացումները՝ վստահություն հայտնելով, որ Կիպրոսը, ինչպես նախկինում, իր ներդրումը կունենա խաղաղության հաստատման գործում՝ նպաստելով այս հարցի լուծմանը։
Սիմոնյանը Դիմիտրիուի ուշադրությունը հրավիրեց նաև Ադրբեջանում գտնվող հայ ռազմագերիների և անհետ կորած անձանց խնդրի վրա։
«Այս հարցում երկու կողմերի շահերն համընկնում են», - նշեց նա։
