«Հայաքվեի» համակարգող Ավետիք Չալաբյանին դատարանի դահլիճից ազատ են արձակել
ԵՐԵՎԱՆ, 21 օգոստոսի․/Նովոստի-Արմենիա/․ «Հայաքվե» ազգային-քաղաքացիական նախաձեռնության համակարգող Ավետիք Չալաբյանն ուրբաթ ազատ է արձակվել դատարանի դահլիճից։
Դատավորը որոշել է, որ Չալաբյանի կալանքի ժամկետը երկարաձգելու հիմքեր չկան։ Ավելին, նա վճռել է, որ որևէ այլ խափանման միջոց կիրառելու անհրաժեշտություն նույնպես չկա։
Չալաբյանի դեմ գործի մասին
Ավետիք Չալաբյանը ձերբակալվել է 2026 թ.-ի հունիսի 24-ին, նույն օրը դատարանը որպես խափանման միջոց ընտրել է կալանավորումը՝ երկու ամիս ժամկետով։ Նրան մեղադրանք է առաջադրվել նախնական համաձայնությամբ խմբի կողմից, ծառայողական կամ պաշտոնեական լիազորությունների կամ դրանցով պայմանավորված ազդեցության օգտագործմամբ ընտրական իրավունքի իրականացմանը խոչընդոտելուն նախապատրաստվելու համար։
Հայաստանի քննչական կոմիտեի նախնական տվյալներով՝ այդ նպատակով 2026 թ.-ի մայիսին Չալաբյանը հանդիպել է այլ պետության պաշտոնատար անձանց հետ։ Չալաբյանի պաշտպանությունը քրեական գործը համարում է շինծու և բողոքարկել է կալանքը։
Կարդացեք նաև. ԶԼՄ-ները գրում են ՌԴ-ում Հայաստանի դեսպանին հետ կանչելու ծրագրերի մասին. Փաշինյանի մամուլի ծառայությունից պատասխանել են (ԲԱՑԱՌԻԿ)
