Freedom House կազմակերպությունը կրկին դասել է Հայաստանը կիսազատ երկրների շարքին
ԵՐԵՎԱՆ, 4 հունիսի. /Նովոստի-Արմենիա/. Ամերիկյան Freedom House կազմակերպությունը հրապարկել է «Վատագույններից վատագույնները 2010» զեկույցը, որտեղ նշել է աշխարհի տասը անազատ երկրները՝ կրկին դասելով Հայաստանը մասնակի ազատ երկրների շարքին։
Զեկույցի համաձայն՝ ժողովրդավարության և մարդու իրավունքների հետ կապված մեծագույն խնդիրներն առկա են Բիրմայում, Հասարակածային Գվինեայում, Էրիթրեայում, Լիբիայում, Հյուսիսային Կորեայում, Սոմալիում, Սուդանում, Թուրքմենստանում, Ուզբեկստանում և Տիբեթում։
Freedom House-ը գնահատում է յուրաքանչյուր երկրի ազատության մակարդակը մեկից յոթ բալային սանդղակով, որտեղ 1 միավորը տրվում է ժողովրդավարության ամենաբարձր մակարդակ ունեցող երկրներին, իսկ 7 միավորն՝ ամենացածր։
Արդեն երկրորդ տարի անընդմեջ Հայաստանին տրվում է 6 միավոր քաղաքական ազատությունների և 4 միավոր՝ քաղաքացիական ազատությունների համար։
Կիսազատ երկրների թվին կազմակերպությունը դասել է նաև հարևան Վրաստանը՝ տալով նրան համապատասխանաբար 4 և 4 միավոր։
Ադրբեջանն ու Ռուսաստանը հերթական անգամ հայտնվել են անազատ երկրների ցուցակում։
Freedom House-ն ամեն տարի 1972 թվականից հրապարակում է Freedom in the World զեկույցը, որում գնահատվում է քաղաքական և քաղաքացիական ազատություններին վերաբերող իրավիճակն աշխարհի ավելի քան 190 երկրներում։ -0-
