Հայաստանը միանում է աշխատանքային միգրանտների իրավական կարգավիճակի մասին ԱՊՀ կոնվենցիային

ԵՐԵՎԱՆ, 20 մայիսի. /Նովոստի-Արմենիա/. Հայաստանի Ազգային ժողովի պատգամավորները հինգշաբթի նիստում քննարկեցին երկրի միացման հնարավորությունը Աշխատնքային միգրանտների և նրանց ընտանիքների իրավական կարգավիճակի մասին ԱՊՀ կոնվենցիային:

Ինչպես նշեց Հայաստանի Միգրացիոն գործակալության պետ Գագիկ Եգանյանը, կոնվենցիան ստորագրվել է Քիշնևում՝ 2008 թվականի նոյեմբերի 14-ին։

«Կոնվենցիան քննարկումների բավական երկար ուղի է անցել վեց-յոթ տարվա  ընթացքում և լուծում է օրինական աշխատանքային միգրանտների իրավունքների պաշտպանության չափազանց կարևոր հարցը»,- ասաց գործակալության պետը։

Ըստ նրա՝ կոնվենցիան ամրագրում է օրինական միգրանտների իրավունքների երկու խումբ։ Առաջին խմբում, ինչպես հաղորդեց Եգանյանը, ընդգրկվում են աշխատանքային իրավունքները, ինչը հավասարեցնում է օրինական միգրանտներին ընդունող երկրի քաղաքացիներին։ Մասնավորապես, միգրանտներին երաշխավորվում են աշխատանքի և հանգստի պատշաճ պայմաններ, աշխատանքային ժամերի տևողություն և այլն։

Իրավունքների երկրորդ խումբն, ինչպես նշեց գործակալության պետը, վերաբերում է օրինական աշխատանքային միգրանտների ընտանիքի անդամներին։ Եգանյանի բերած տվյալներով՝ նրանց ընտանիքի անդամներին երաշխավորվում են կրթական, մշակութային և այլ հիմնարար իրավունքներ։ -0-