ԵՐԵՎԱՆ, 11 նոյեմբերի. /Նովոստի-Արմենիա/. Հայաստանի բնապահպանական օրենսդրության խստացման վերաբերյալ խորհրդարանական լսումներն են անցկացվել չորեքշաբթի Ազգային Ժողովում։
Գյուղատնտեսության և բնապահպանության հարցերի մշտական խորհրդարանական հանձնաժողովի կողմից կազմակերպած խորհրդարանական լսումների թեման էր փոփոխություններ մտցնելն էր «Բնապահպանական վերահսկողության մասին», «Բնապահպանական օրենսդրության պահանջների պահպանման ինքնավերահսկողության մասին» օրենքներում և Վարչական իրավախախտումների մասին օրենսգրքում։
Ինչպես հայտնեց հանձնաժողովի նախագահ Խաչիկ Հարությունյանը, լրացումների օրենսդրական փաթեթի մշակումն անցկացվել է ազգային օրենսդրության պահանջներին համապատասխան, մի շարք միջազգային պայմանագրերի և համաձայնագրերի, մասնավորապես, Օրհուսի կոնվենցիայի կողմից նախատեսված Հայաստանի միջազգային պարտավորությունների կատարման համար։
«Առաջարկվող լրացումներին համապատասխան ամրագրվում է կազմակերպությունների պարտավորությունը արտադրական ընթացքի վերահսկման, այդ թվում՝ հումքի օգտագործման ընթացակարգի, արտադրության ժամանակ առաջացող աղտոտող նյութերի քանակի և որակի, բնապահպանական օրենսդրությանը գործունեության հանապատասխանության գնահատականին, ինչը կնպաստի շրջակա միջավայրի պահպանմանը և բնական ռեսուրսների արդյունավետ օգտագործմանը»,- ասաց հանձնաժողովի նախագահը։
Ինչպես կարծում է Հարությունյանը, Հայաստանում ինքնավերահսկողության ներդրումը կնպաստի շրջակա միջավայրի վտանգի վաղ գնահատմանը, արագ և օպերատիվ արձագանքել և կանխել շրջակա միջավայրի նկատմամբ վանասակար ազդեցությունը։
Ինչպես տեղեկացրեց խորհրդարանական հանձնաժողովի ղեկավարը, լրացումների օրենսդրական փաթեթի ընդունումից հետո կսահմանվի պարտադիր ինքնավերահսկողություն իրականացնող կազմակերպությունների անվանացանկը, որոնց գործունեությունն էական ազդեցություն է թողնում շրջակա միջավայրի վրա և որոնք պետք է իրականացնեն բնապահպանության վրա իրենց գործունեության ազդեցության գնահատականը։
Խորհրդարանական լսումներին մասնակցեցին հայկական խորհրդարանի պատգամավորներ, շահագրգիռ նախարարությունների ներկայացուցիչներ, տնտեսվարող սուբյեկտներ, միջազգային և հասարակական կազմակերպությունների ներկայացուցիչներ, գիտնականներ և փորձագետներ։ -0-
