Հայ-թուրքական սահմանի բացումը բխում է Հայաստանի և Թուրքիայի կենսական շահերից. ԵՄ հատուկ ներկայացուցիչ

Հայ-թուրքական սահմանի բացումը բխում է Հայաստանի և Թուրքիայի կենսական շահերից, Հարավային Կովկասում ԵՄ հատուկ ներկայացուցիչ Փիթեր Սեմնեբին «Վրեմյա նովոստեյ» թերթին տված հարցազրույցում։

Նա համոզմունք հայտնեց, որ հայ-թուրքական արձանագրությունները կվավերացվեն երկու երկրների խորհրդարաններում՝ նշելով, որ սահմանի բացումը բխում է նաև Թուրքիայի շահերից։

«Թուրքիան սկսեց այդ գործընթացը ոչ թե Հայաստանի նկատմամբ բարյացակամ նկատառումներից ելնելով, այլ այն պատճառով, որ դա հենց Թուրքիայի շահերին էր համապատասխանում։ Դա Թուրքիայի նոր քաղաքականության առջաջին օրինակներից դարձավ իր հարևանների նկատմամբ»,- ասաց Սեմնեբին։  

Եվրամիության հատուկ ներկայացուցիչն ընդգծեց նաև, որ Թուրքիայի հետ հարաբերությունների կարգավորման ընթացքում Հայաստանի ղեկավարությունը բախվում է միաժամանակ շատ մարտահրավերների։

«Ընդդիմությունը Թուրքիայի հետ հարաբերությունների բարելավման դեմ է գնում ոչ թե Հայաստանի ներսից, այլ երկրի սահմաններից դուրս բնակվող հայերից։ Այնպես որ Հայաստանի ներսում այս հարցում ես պայթյուն չեմ ակնկալում»,- նշեց նա։

Սեմնեբին ավելացրեց, որ պետք է ապահովել սփյուռքի՝ երկրում ապրող հայերի շահերին ուշադրություն դարձնելու վերաբերյալ համաձայնությունը։ --0--