ԵՐԵՎԱՆ, 13 հոկտեմբերի. /Նովոստի-Արմենիա/. Գերմանիայի արտգործանախարարությունը ողջունում է Թուրքիայի և Հայաստանի հարաբերությունների «նոր գլուխը»՝ երկու երկրների միջև դիվանագիտական հարաբերությունների հաստատման մասին արձանագրության ստորագրումը, երկուշաբթի մեջբերում է մամուլի ծառայությունը Գերմանիայի արտգոծնախարար Ֆրանկ-Վալտեր Շտայնմայերի խոսքերը, հաղորդում է «ՌԻԱ Նովոստին»:
Հայաստանի ու Թուրքիայի արտգործնախարարները հոկտեմբերի 10-ին Ցյուրիխի համալսարանում ստորագրեցին «Դիվանագիտական հարաբերությունների հաստատման մասին արձանագրությունը» և «Երկկողմ հարաբերությունների զարգացման մասին արձանագրությունը»: Փաստաթղթերը ստորագրումից հետո պետք է հավանության արժանանան երկու երկրների խորհրդարանների կողմից
«Ես ողջունում եմ այդ խիզախ քայլը, այն արժանի է մեր հարգանքին: Համաձայնագրերը կոնկրետ հեռանկար են տալիս՝ գիտակցման և վստահության հիման վրա բարիդրացիական հարաբերությունների համար», - ասել է Շտայնմայերը:
Շտայնմայերի խոսքերով՝ վավերացումը պետք է տեղի ունենա որքան հնարավոր է շուտ:
«Արձանագրությունները վերսկսված դիվանագիտական հարաբերությունների հետ միասին նախատեսում են, որ համաձայնագրերի ուժից մեջ մտնելուց հետո երկու ամսվա ընթացքում երկկողմ սահմանները պետք է բացվեն: Երկու երկրների արտգործնախարարությունների միջև պետք է կանոնավոր խորհրդակցություններ անցկացվեն», - կարծում է Շտայնամայերը:
Որպեսզի համաձայնագրերը ուժի մեջ մտնեն, անհրաժեշտ է ձևավորել համատեղ կառավարական հանձնաժողով՝ երկու երկրների ԱԳ նախարարների գլխավորությամբ, համոզված է Գերմանիայի ԱԳ նախարարը:
Երկու երկրների միջև բարդ հարաբերությունները պայմանավորված են մի շարք հանգամանքներով, որոնք կապված են, մասնավորապես, Անկարայի՝ ադրբեջանական դիրքորոշման պաշտպանությամբ ղարաբաղյան հարցում, ինչպես նաև Թուրքիայի սուր արձագանքի հետ 1915 թվականին Օսմանյան կայսրությունում Հայոց ցեղասպանության միջազգային ճանաչման հետ կապված։ -0-
