Հայ դատապարտյալներին փորձում են թմրանյութեր փոխանցել կենդանիների ոսկորների և կոնֆետների միջոցով
Վերջին յոթ օրվա ընթացքում ՀՀ արդարադատության նախարարության քրեակատարողական ծառայության աշխատակիցները կանխել են հայ դատապարտյալներին թմանյութ փոխանցելու երկու սրամիտ փորձ:
Ինչպես «Նովոստի-Արմենիա» գործակալությանը տեղեկացրեց ՀՀ արդարադատության նախարարության քրեակատարողական վարչության հասարակայնության հետ կապերի պետ Արսեն Բաբայանը, սեպտեմբերի 26-ին օպերատիվ տեղեկություններն իրացնելիս հայտնաբերվել են կենդանիների ոսկորների միջև թաքցրած թմրանյութեր:
Բաբայանի խոսքերով՝ քաղաքացին, որը փորձում էր «Արթիկ» քրեակատարողական հիմնարկ անցկացնել յուրօրինակ «հանձնուքը», պատմել է, որ ոսկորներն անհրաժեշտ են դատապարտյալին թազբեհ պատրաստելու համար:
Վարչության պետը նաև տեղեկացրեց, որ հոկտեմբերի 1-ին «Սևան» քրեակատարողական հաստատությունում տեղի ունեցած հատուկ ստուգման ժամանակ դատապարտյալներից մեկին փոխանցված կոնֆետներում հայտնաբերվել է ափիոն տեսակի թրմանյութ:
Նշված 2 դեպքով նշանակվել են համապատասխան փորձաքննություններ:-0-
