«Փարիզյան սուրճ» սրճարանների ցանցի հիմնադիրը Ֆրանսիայում պարգևատրվել է Արվեստի և դպրության ոլորտի ասպետի կոչումով

«Փարիզյան սուրճ» խանութների և սրճարանների ցանցի հիմնադիր Վալերի Գործունյանը Ֆրանսիայի Մշակույթի և Հաղորդակցության նախարարության կողմից պարգևատրվել է Արվեստի և դպրության ոլորտի ասպետի կոչումով:

Ինչպես ասվում է երեքշաբթի «Նովոստի-Արմենիա» գործակալություն ստացված տեղեկատվության մեջ, Վալերի Գործունյանը Ֆրանսիայի հայկական համայնքից Հայաստանում առաջին ներդրողներից մեկն էր: Այդ կոչումը  Ֆրանսիայի Հանրապետության չորս նախարարական և գլխավոր տարբերակումներից մեկն է :

Վալերի Գործունյանին ուղղված նամակում, Ֆրանսիայի մշակույթի նախարար Ֆրեդերիկ Միտերանը նշել է, որ երջանիկ է նման շքանշանով պարգևատրելու մեկին, ով խորապես նվիրվել է Ֆրանսիայի մշակույթի տարածմանը:

Նախարարի խոսքերով՝ այս պարգևատրմանը իսկապես արժանի է Վալերի Գործունյանը,ով բարձր է պահում Ֆրանսիայի գույները Հայաստանում և ով միշտ առաջին շարքերում է Հայաստանի գույները Ֆրանսիայում պաշտպանելու գործում:-0-