Հայ շախմատիստ Տիգրան Լ. Պետրոսյանը կմասնակցի Mainz Open Chess 960 շախմատային փառատոնին

Հայ շախմատիստ Տիգրան Լ. Պետրոսյանը կմասնակցի Mainz Open Chess 960 միջազգային շախմատային հեղինակավոր փառատոնին, որը կանցկացվի օգոստոսի 15-20-ը Գերմանիայում։

Ինչպես «Նովոստի-Արմենիա» գործակալությանը երեքշաբթի տեղեկացրեցին Հայաստանի Շախմատի ֆեդերացիայից, այդ մրցույթին (որը նաև կոչում են «Ֆիշերի շախմատ») մասնակցելու իրավունքը Տիգրան Լ. Պետրոսյանը նվաճել է անցած կիրակի ավարտված ICC Chess 960 շախմատային կայքի մրցույթում հաղթանակ տանելուց հետո։

Ինտերնետ-մրցության քառորդ եզրափակիչում հայ շախմատիստը հաղթեց նիդեռլանդացի Իվան Սոկոլովին, կիսաեզրափակիչում առաջ անցավ  բուլղարացի Կիրիլ Գեորգիևից, եզրափակիչում հաղթեց Գատա Կամսկուն (ԱՄՆ)։

Mainz Open Chess 960-ի (2006-ի օգոստոս) գործող չեմպիոնը հայ գրոսմայստեր, օլիմպիական չեմպիոն Լևոն Արոնյանն է, որն այս տարվա աշնանը մտադիր է վիճարկել շախմատային թագը։

Chess 960 մրցաշարը հիմնել է աշխարհի չեմպիոն Բոբբի Ֆիշերը 1996թ.-ին, այն անվանում են նաև 960-ի Աշխարհի չեմպիոնատ (այլ անվանումն է Fischer Chess, այսինքն «Ֆիշերի շախմատ»)։–0—