ԵՐԵՎԱՆ, 9 հուլիսի. /Նովոստի–Արմենիա/. ԵԱՀԿ Խորհրդարանական վեհաժողովի հռչակագրում կա ղարաբաղյան կարգավորմանը նվիրված հատված։ Հռչակագիրը հրապարակվել է կազմակերպության
կայքում։
ԵԱՀԿ Խորհրդարանական վեհաժողովը նախօրեին եզրափակիչ հռչակագիր է ընդունել։
Հայաստանի և Ադրբեջանի առաջնորդներին կոչ են անում ակտիվացնել երկխոսությունը ԵԱՀԿ Մինսկի խմբի համանախագահների կողմից իրականացվող միջնորդական ջանքերի համատեքստում։ Նաև առաջարկվում է քայլեր ձեռնարկել ղարաբաղյան հակամարտության խաղաղ կարգավորման հասնելու համար։
Загружается новость ...
"Право"
Ղարաբաղյան հակամարտությունը սկիզբ է առել 1988 թ.-ին, երբ հիմնականում հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին։
1991 թ. դեկտեմբերի 10-ին, Խորհրդային Միության փլուզումից մի քանի օր առաջ, Լեռնային Ղարաբաղում տեղի ունեցավ հանրաքվե, որի ժամանակ բնակչության ճնշող մեծամասնությունը՝ 99,89 տոկոսը Ադրբեջանից ամբողջովին անկախանալու կողմ քվեարկեց։
Դրանից հետո սկսվեցին լայնամասշտաբ ռազմական գործողություններ, որոնց հետևանքով Ադրբեջանը կորցրեց վերահսկողությունը Լեռնային Ղարաբաղի և նրան հարակից յոթ շրջանների նկատմամբ։ 1994 թ.-ի մայիսի 12-ին՝ զինադադարի մասին համաձայնագրի ուժի մեջ մտնելուց հետո հակամարտության գոտում դադարեցին ռազմական գործողությունները։
Պատերազմի հետևանքով երկու կողմից զոհվեց մոտավորապես 25-30 հազ մարդ և մոտ մեկ միլիոնը ստիպված եղավ լքել բնակավայրերը։ Զինադադարի ռեժիմի մասին համաձայնությունը պահպանվում է մինչ այժմ։ 1992 թ.-ից մինչ օրս ընթանում են բանակցություններ` հակամարտության խաղաղ կարգավորման ուղղությամբ` ԵԱՀԿ Մինսկի խմբի շրջանակում, որի համանախագահներն են ԱՄՆ-ն, Ռուսաստանը և Ֆրանսիան։
ԵԱՀԿ ԽՎ ամառային նստաշրջանն անցկացվել է հուլիսի 4–8–ը։ -0-