Հրաշք փրկություն․ տղամարդը վերջին պահին հասցրել է բռնել երկրորդ հարկից ընկնող երեխային (ՎԻԴԵՈ)
ԵՐԵՎԱՆ, 5 հոկտեմբերի․ /Նովոստի–Արմենիա/․ Եգիպտոսի Գիզայի նահանգում 25-ամյա Ահմեդ Ռագաբը վերջին պահին հասցրել է բռնել երկրորդ հարկի պատշգամբից ընկնող 5-ամյա երեխային՝ թույլ չտալով, որ նա ընկնի գետնին։
Դեպքի տեսագրությունը լայնորեն տարածվել է սոցիալական ցանցերում։
Ինչպես հայտնում է արաբական Al Hadath լրատվական հարթակը, դեպքը տեղի է ունեցել Արդ էլ-Լիվա շրջանում։
Ռագաբի խոսքով՝ ինքը կանգնած էր փողոցում, երբ երեխաներից մեկը ձեռքով ցույց է տվել վերև։
Նայելով այդ ուղղությամբ՝ նա տեսել է ընկնող երեխային և անմիջապես վազել նրա ուղղությամբ։
Ռագաբը պատմել է, որ մտածելու ժամանակ չի ունեցել, և այդ պահին իր միակ միտքը երեխային մինչև գետնին հասնելը բռնելն էր։
Նրան հաջողվել է վերջին պահին բռնել երեխային և թույլ չտալ, որ նա ընկնի գետնին։
Ռագաբի նշել է, որ երեխային բռնելուց հետո է միայն գիտակցել տեղի ունեցածի լրջությունը։ Նրա խոսքով՝ ամենակարևորն այն է, որ երեխան չի տուժել։
