«Հայոց ցեղասպանությունը շարունակվում է, աշխարհը լուռ հետևում է»․ պատմաբանը՝ Արցախի պատերազմի մասին (ԷՔՍԿԼՅՈՒԶԻՎ)
01.11.2020,
00:56
Հայոց ցեղասպանության թանգարան-ինստիտուտի հիմնադրամի գիտական քարտուղար, պատմական գիտությունների թեկնածու Նարինե Մարգարյանը «Նովոստի-Արմենիա»ին տված հարցազրույցում ներկայացրել է ղարաբաղյան հակամարտության մասին համաշխարհային հանրության հայտարարությունների վերաբերյալ իր դիրքորոշումը
ԵՐԵՎԱՆ, 1 նոյեմբերի․ /Նովոստի-Արմենիա/․ Հայոց ցեղասպանության թանգարան-ինստիտուտի հիմնադրամի գիտական քարտուղար, պատմական գիտությունների թեկնածու Նարինե Մարգարյանը «Նովոստի-Արմենիա» գործակալությանը բացառիկ հարցազրույցում ներկայացրել է ղարաբաղյան հակամարտության մասին համաշխարհային հանրության հայտարարությունների վերաբերյալ իր դիրքորոշումը:
Ընդհանուր առմամբ, նա համաձայն է այն կարծիքի հետ, որ աշխարհը լուռ հետևում է իրավիճակին, այնուամենայնիվ, կան որոշ մարդիկ և կազմակերպություններ, որոնք շարունակում են աշխատել և փորձում են օգնել:
Загружается новость ... "Лево"
«Իհարկե, մենք սկզբունքորեն ավելին էինք ակնկալում դաշնակից երկրներից և միջազգային հանրությունից, բայց այս պահին, վերլուծելով պատմության դասերը, ևս մեկ անգամ համոզվեցինք, որ ինքներս պետք է ճանապարհ հարթենք դեպի մեր ապագա, նոր սերունդներ և հետագա պատմություն», - ասաց պատմաբանը:Նրա խոսքով, «կարմիր գիծը» Թուրքիայի կողմից իրականացվող Հայոց ցեղասպանության շարունակման քաղաքականությունն է:
«Կարող ենք ասել, որ Հայոց ցեղասպանությունը սկսվել է Աբդուլ Համիդի ժամանակներից, շարունակվել է Քեմալ Աթաթուրքի օրոք, և այժմ մենք այդ գիծը տեսնում ենք Թուրքիայի և նրա «կրտսեր եղբայր» Ադրբեջանի քաղաքականության մեջ», - նշեց Մարգարյանը:
Միևնույն ժամանակ, պատմաբանը մատնանշեց միջազգային հանրության կողմից լռությունը:
«Միջազգային կազմակերպությունները, իրավաբանական կազմակերպությունները և այժմ Ցեղասպանագետների ասոցիացիան նույնպես արտահայտել են իրենց դիրքորոշումը, բայց, հավանաբար, ավելի լուրջ քայլեր են հարկավոր: Վերջին ամսվա ընթացքում, մենք տեսանք, որ պարզապես կոչ անելն արդյունավետ չէ»,-նշում է նա։-0-
Պատճենել հղումը
