Երևանում ոչ սթափ վիճակում գտնվող ուղևորը դանակով հարված է հասցրել ավտոբուսի վարորդին
21.04.2026,
10:27
Երեկ երեկոյան արտակարգ պատահար է տեղի ունեցել Երևանում
ԵՐԵՎԱՆ, 21 ապրիլի․/Նովոստի–Արմենիա/․ Երեկ երեկոյան արտակարգ պատահար է տեղի ունեցել Երևանում, ուղևորը դանակահարել է ավտոբուսի վարորդին։
Ինչպես «Նովոստի–Արմենիա»–ին հայտնեց ՆԳ նախարարի մամուլի քարտուղար Նարեկ Սարգսյանը, ըստ նախնական տեղեկությունների՝ վեճ է ծագել ուղևորի և վարորդի միջև։
«Նախնական տվյալներով՝ ուղևորը եղել է ոչ սթափ վիճակում և դանակով հարված է հասցրել վարորդին։ Ձեռնարկվում են միջոցառումներ դեպքի բոլոր հանգամանքները պարզելու ուղղությամբ», – նշեց Սարգսյանը։
Shamshyan.com–ի հաղորդմամբ, միջադեպը տեղի է ունեցել Հալաբյան փողոցում, թիվ 8 ավտոբուսում։
Պատճենել հղումը
