Չարենցավան-Նուռնուս երկաթուղային հատվածում տեղի է ունեցել ՃՏՊ. գնացքների երթևեկը մոտ 3 ժամով դադարեցվել է (ՖՈՏՈ)
22.08.2020,
15:20
Մոտ 3 ժամով դադարեցվել է գնացքների երթևեկությունը Չարենցավան-Նուռնուս երկաթուղային հատվածում տեղի է ունեցած ՃՏՊ-ի պատճառով․ ՖՈՏՈ
ԵՐԵՎԱՆ, 22 օգոստոսի․ /Նովոստի-Արմենիա/․ Օգոստոսի 22-ին, ժամը 9-ին Չարենցավան-Նուռնուս երկաթուղային հատվածում տեղի է ունեցել ՃՏՊ: Այս մասին հատնում է «Հարավկովկասյան երկաթուղի» ընկերության մամուլի ծառայությունը։
Загружается новость ... "Лево"
Նշվում է, որ մոտակա ավազահանքին պատկանող դատարկ բեռնատարը բախվել է բեռնատար գնացքի լոկոմոտիվին: Այնուհետև մեքենան բախվել է մոտակայքում գտնվող շինությանը, որը նույնպես պատկանում է «Հարավկովկասյան երկաթուղի» ընկերությանը: Վարորդը դեպքի վայրից դիմել է փախուստի:
Բեռնատարը էական վնասվել է, վնասվել են լոկոմոտիվի մեկուսիչը և էներգաընդունիչը: Ներկայումս երկաթուղուն հասցրած վնասի չափը ճշտվում է:
«Անմիջապես դեպքի վայր են կանչվել գնացքների երթևեկության անվտանգության գլխավոր վերահսկիչի ապարատի մասնագետներ, վերանորոգման խմբեր, Ճանապարհային ոստիկանության ներկայացուցիչներ: Դեպքի վայր է ուղարկվել նաև պահեստային լոկոմոտիվ: Երթևեկությունը դադարեցվել է 2 ժամ 42 րոպեով»,- ասվում է հաղորդագրության մեջ:-0-
Պատճենել հղումը
