Արագածոտնի մարզում 34-ամյա վարորդը Opel–ով մի քանի պտույտ շրջվելով գլխիվայր հայտնվել է ձորակում․ նա հոսպիտալացվել է
11.08.2026,
12:07
Բժիշկները պայքարում են վարորդի կյանքի համար
ԵՐԵՎԱՆ, 11 օգոստոսի․/Նովոստի–Արմենիա/․ Այսօր՝ օգոստոսի 11-ին, խոշոր ավտովթար է տեղի ունեցել Արագածոտնի մարզում։
Shamshyan.com-ի հաղորդմամբ, ժամը 08։30-ի սահմաններում Երևան-Գյումրի ավտոճանապարհի 26-րդ կմ հատվածում, Փարպի բնակավայրի վարչական տարածքում 34-ամյա Ռոման Մ․-ն իր վարած «Opel» մակնիշի ավտոմեքենայով դուրս է եկել ճանապարհի երթևեկելի գոտուց, բախվել է ապառաժ քարերին, ապա ծառերի և մի քանի պտույտ շրջվելով գլխիվայր հայտնվել ձորակում։
Վթարի հետևանքով վարորդը տարբեր աստիճանի մարմնական վնասվածքներով տեղափոխվել է «Աշտարակ» բժշկական կենտրոն։
Վթարի փաստով քննչական վարչությունում նախաձեռնվել է քրեական վարույթ։
Պատճենել հղումը
