ԱԱԾ–ն գործողություններ է իրականացրել Շենգավիթի թաղապետարանում, կան ձերբակալվածներ
ԵՐԵՎԱՆ, 21 ապրիլի․/Նովոստի–Արմենիա/․ ԱԱԾ-ն Շենգավիթի թաղապետարանում գործողություններ է իրականացրել, կան ձերբակալվածներ
Շենգավիթ վարչական շրջանի աշխատակազմում իրավապահները գործողություններ են իրականացրել, ինչի հետևանքով աշխատակիցներ են ձերբակալվել։
Այս տեղեկությունը, 1lurer.am-ի հարցին ի պատասխան, հաստատել են Հակակոռուպցիոն կոմիտեից։ Կոմիտեից հայտնել են՝ քննչական գործողություններն իրականացվել են Հակակոռուպցիոն կոմիտեում քննվող քրեական վարույթի շրջանակում։
Հավելեցին նաև, որ ԱԱԾ աշխատակիցների հետ իրականացված համատեղ միջոցառումների արդյունքում կան ձերբակալված անձինք թաղապետարանից:
ԶԼՄ-ներում շրջանառվող տեղեկությունների համաձայն՝ վերջիններս կասկածվում են կաշառք պահանջելու և ստանալու համար:
Կատարվածին Facebook–ի իր էջում անդրադարձել է Շենգավիթ վարչական շրջանի ղեկավար Ռազմիկ Մկրտչյանը՝ նշելով, որ հաշվի առնելով անմեղության կանխավարկածը այս պահին կլռի:
«Յուրաքանչյուր քայլ, որն իրականացվում է օրենքի սահմաններից դուրս և համայնքի շահերին հակառակ, ինձ համար անընդունելի է։ Կաշառք վերցնելը, հանրային միջոցներ յուրացնելը՝ այսպես ասված «փող ուտելը», ինձ համար կարմիր գիծ է, որն անցնելը աններելի է և նշանակում է դավաճանել ժողովրդին»,- գրել է Մկրտչյանը:
