54-ամյա տղամարդու տանը հայտնաբերվել է 2,5կգ մարիխուանա (ՖՈՏՈ, ՎԻԴԵՈ)
ԵՐԵՎԱՆ, 29 սեպտեմբերի․ /Նովոստի-Արմենիա/․ Համայնքային ոստիկանության Մալաթիայի բաժնի ծառայողները ստացել էին օպերատիվ տեղեկություն, որ Հաղթանակ թաղամասի մի բնակիչ ապօրինի պահում և իրացնում է թմրանյութ։
ՆԳՆ ոստիկանության տեղեկացմամբ, տեղեկությունը ստուգվել և հիմնավորվել է։
Մալաթիա-Սեբաստիա վարչական շրջանի քննչական բաժնում նախաձեռնվել է քրեական վարույթ, և սեպտեմբերի 24-ին, դատարանի որոշման հիման վրա, խուզարկություն է կատարվել 54-ամյա տղամարդու բնակության վայրում։
Հայտնաբերվել է էլեկտրական երկու կշեռք, անհայտ ծագման հաբեր, դեղնականաչավուն հետքերով դատարկ և կանեփի սերմերով լցված տարաներ, մեկ տարա՝ սպիտակ լուծույթով և երկուսուկես կիլոգրամ մարիխուանա։
Տանտիրոջ նկատմամբ խափանման միջոց է կիրառվել տնային կալանքը։
Հանգամանքները պարզվում են։
