Հրազդանի կիրճում դանակահարված 3 երիտասարդներ ծայրահեղ ծանր վիճակում հոսպիտալացվել են
ԵՐԵՎԱՆ, 6 մարտի. /Նովոստի–Արմենիա/. Այսօր երեկոյան արտակարգ դեպք է տեղի ունեցել Երևանում:
Ժամը 19:30-ի սահմաններում Արաբկիրի բաժնի համայնքային ոստիկանությունում տեղեկություն է ստացվել, որ Արաբկիր վարչական շրջանի «Մալականի» այգուն հարակից Հրազդանի կիրճում 3 երիտասարդ տղա կա, ովքեր գտնվում են անօգնական վիճակում, հաղորդում է shamshyan.com–ը։
Ոստիկաններն այգում հայտնաբերել են անօգնական և ծայրահեղ ծանր վիճակում գտնվող 3 երիտասարդի, ովքեր տեղափոխվել են «Արմենիա» բժշկական կենտրոն:
Կայքի հաղորդմամբ, դեպքի վայրում հայտնաբերվել են բավականին շատ արնանման հետքեր, կոտրված ակնոց և արյունոտված «վադալազկա» և շապիկ:
Ոստիկանությունը պարզում է վիրավորների ինքնությունը, իսկ հիվանդանոցից հայտնել են, որ վիրավորները գտնվում են ծայրահեղ ծանր վիճակում:–0–
