ԵՐԵՎԱՆ, 12 մայիսի․ /Նովոստի-Արմենիա/․ «Եվրատեսիլ 2020»-ի կազմակերպիչները որոշել են մայիսի 12-ի և 14-ի կիսաեզրափակիչների փոխարեն «Eurovision Song Celebration» (Եվրատեսիլ երգի տոն) առցանց համերգ անցկացնել։ Ինչպես նաև որոշվել է կազմակերպել «Europe Shine A Light» (Լուսարձակի՛ր, Եվրոպա) շոուն, մայիսի 16-ին, երբ պետք է տեղի ունենար աշխարհի ամենամեծ երաժշտական հեռուստատեսային մրցույթի եզրափակիչը։ Այս մասին հայտնում է dw.com-ը։
Այս որոշումը ապրիլի վերջին կայացրել են Եվրոպական հեռարձակողների միությունը և երեք հոլանդական հեռուստաընկերությունների միավորումը: Կորոնավիրուսային պանդեմիայի պատճառով «Եվրատեսիլ 2020-ը» մրցույթը չեղյալ հայտարարվեց, իսկ Ռոտերդամի արենայի շենքում COVID-19-ով վարակվածների բուժման համար հիվանդանոց է տեղադրվել:
Загружается новость ... "Лево"
Երեքշաբթի, մայիսի 12-ին, երբ նախատեսված էր մրցույթի առաջին կիսաեզրափակիչը, առաջին նման համերգը կարելի է տեսնել Եվրատեսիլի պաշտոնական YouTube-յան ալիքում: Այն կսկսվի տեղական ժամանակով ժամը 23-ին: Մասնակից երկրների երգերի տեսահոլովակները կցուցադրվեն այն հերթականությամբ, որով կատարողները ելույթ կունենային Ahoy մարզահամերգային համալիրի բեմում:
Մայիսի 14-ին կցուցադրվի Հայաստանի ներկայացուցիչ Աթենա Մանուկյանի «Chains On You» տեսահոլովակը, քանի որ վիճակահանության արդյունքների համաձայն, նա պետք է ելույթ ունենար «Եվրատեսիլ 2020» -ի երկրորդ կիսաեզրափակչում:
Կազմակերպիչները խոստանում են ոչ միայն մասնակիցների երգերի տեսահոլովակների հեռարձակում, այլև անակնկալներ․ չի բացառվում որ կլինի Ռուսաստանը ներկայացնող «Little Big» խմբի «Uno» պարային երգի ակուստիկ տարբերակը, կամ Լիտվայի «The Roop» խմբի «On fire» երգը, այնպես, ինչպես այն կկատարեր, օրինակ՝ Էլվիս Պրեսլին։ Բացի այդ, առցանց համերգների նախօրեին, Եվրոպական հեռարձակողների միությունը երկրպագուներին կոչ է արել ձայնագրել այս տարվա մասնակիցների երգերի իրենց տարբերակը: Երկրպագուների կողմից ուղարկված տեսանյութերից հատվածները կցուցադրվեն մրցույթի մասնակիցների ելույթների հատվածների կրկնելու փոխարեն:
Շոու՝ «Եվրատեսիլի» եզրափակչի փոխարեն
Գերմանական Եվրատեսիլի եզրափակիչը նախորդելու է «Europe Shine A Light» համերգին։ Այն տեղի կունենա մայիսի 16-ին հոլանդական Հիլվերսյումում, երբ պետք է տեղի ունենար մրցույթի իսկական եզրափակիչը: Համերգը հեռարձակելու են «Եվրատեսիլ 2020» -ին մասնակցող բոլոր երկրները:
«Մենք ուզում ենք ոչ միայն շոու ցույց տալ և ներկայացնել այն 41 մասնակիցներին, ում մենք սպասում էինք Ռոտերդամում, այլև ոգեշնչենք և համախմբենք ժողովրդին Եվրոպայում և դրանից դուրս այս դժվարին ժամանակաշրջաններում», - բացատրել է իր գաղափարը համերգի գործադիր պրոդյուսեր Սիթ Բաքերը:
Նա կոչ արեց շոուն դարձնել «անմոռանալի պահ Եվրատեսիլի պատմության մեջ»: -0-
