Գիժ մարտը Հայաստանում․ մի շարք շրջաններում առատ ձյուն է տեղում (ՎԻԴԵՈ)

ԵՐԵՎԱՆ, 7 մարտի․/Նովոստի–Արմենիա/․ Ճանապարհային դեպարտամենտից հայտնում են, որ մարտի 7-ին՝ առավոտվա դրությամբ, Ախուրյանի, Արթիկի, Անիի, Թալինի, Ապարանի, Արագածի, Աբովյանի, Հրազդանի, Սևանի, Գավառի տարածաշրջաններում թույլ ձյուն է տեղում, իսկ Բաղրամյանի, Արմավիրի, Վաղարշապատի, Մեղրիի տարածաշրջաններում՝ անձրև։

Բքի և ցածր տեսանելիության պատճառով Վարդենյաց լեռնանցքը դժվարանցանելի է կցորդով տրանսպորտային միջոցների համար (կիրառել անվաշղթաներ):

ՀՀ ՇՄՆ Հիդրոօդերևութաբանության և մոնիթորինգի կենտրոնի պետի տեղակալ Գագիկ Սուրենյանը հրապարակել է տեսանյութ Ապարանի տարածաշրջանից, որտեղ երևում է, որ առատ ձյուն է տեղում։

«Ապարանի տարածաշրջան, Արագած գյուղ, գիժ մարտ», – գրել է Սուրենյանը։

Միջպետական և հանրապետական նշանակության բոլոր ավտոճանապարհները բաց են:

Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:–0–