Հայտնաբերվել է որպես անհետ կորած որոնվող 87–ամյա տղամարդու դին

ԵՐԵՎԱն, 7 մարտի․/Նովոստի–Արմենիա/․ Փետրվարի 29-ին հաղորդվել էր 1937 թ. ծնված Էմիլ Սարգսյանի անհետ կորելու մասին:

Մարտի 6-ին ՆԳՆ ոստիկանության Լոռու մարզի օպերատիվ կառավարման կենտրոն զանգած քաղաքացին հայտնել էր, որ Վանաձոր քաղաքի Խնձորուտ թաղամասում՝ գետի ափին, տղամարդու դիակ կա:

ՆԳՆ ոստիկանության Բազումի բաժնից մեկնած օպերատիվ խումբը Տանձուտ գետի ափին հայտնաբերել է Էմիլ Սարգսյանի դիակը:

Արտաքին զննությամբ դիակի վրա բռնության հետքեր չեն հայտնաբերվել:

Կատարվում է նախաքննություն:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:–0–