ԵՐԵՎԱՆ, 4 փետրվարի./Նովոստի–Արմենիա/. Ուրբաթ Ռուսաստանի Առաջին ալիքով մեկնարկել է «Ձայնը. Երեխաներ» հեռուստաշոուի հինգերորդ եթերաշրջանը։ Առաջին փուլի` «Կույր լսումների» առաջին մասնակիցների թվում էր 13–ամյա Ռոբերտ Քասյանը` Կրասնոդարից։
Ռոբերտը կատարեց Parlami d’amore Mariu ստեղծագործությունը, որը ձայնագրվել է Վիտորիո Դե Սիկայի կողմից «Ինչ սրիկաներ են տղամարդիկ» ֆիլմի համար (1932 թ.)։ Այս ստեղծագործությունը կատարել են Դմիտրի Խվորոստովսկին, Խոսե Կարերասը և Պլասիդո Դոմինգոն, իսկ Ռոբերտը կատարեց այն Ռոբերտինո Լորետիի ոճով։
Загружается новость ... "Лево"
Այս եթերաշրջանում առաջին անգամ մասնակցի կողմը շրջվեցին ժյուրիի բոլոր անդամները։ Ռոբերտի ելույթն անտարբեր չթողեց ժյուրիի անդամներից ոչ մեկին։
«Շնորհակալություն նման հաճույքի համար։ Մենք շրջվեցինք միասին, սինքրոն` ինչպես պարի ժամանակ։ Անկեղծ ասած, կային մի քանի պարզապես փայլուն պահեր։ Կային նաև այնպիսինները, որոնք ընդհանրապես որևէ կապ չունեին տարիքի հետ։ Այսինքն, դրանք իսկական տաղանդի պահեր էին, որը հոգու պես տարիք չի ճանաչում», – ասաց Պելագեան, որին ընտրեց պատանի Ռոբերտը։
Ռուսաստանի Առաջին ալիքով հեռարձակվող «Ձայնը. Երեխաներ» նախագծին մասնակցում են 7–14 տարեկան տաղանդավոր պատանի կատարողներ, որոնք լուրջ քասթինգ են անցել։
Նախագծի մարզիչներն են Վալերի Մելաձեն, Պելագեան և Բաստան։–0–
