ԵՐԵՎԱՆ, 9 մարտի,/Նովոստի–Արմենիա/․ Երևանում մարտի 8–10–ը կփոխվեն 11 ավտոբուսների երթուղիները Մյասնիկյան պողոտայում խողովակաշարի անցկացման աշխատանքների պատճառով։
Загружается новость ... "Лево"
Խողովակաշարի անցկացման աշխատանքներով պայմանավորված՝ Երևանի Մյասնիկյան պողոտայով բարձրացող հ. 22, 53, 54, 15, 20,29, 55, 41, 35, 36, 5 ավտոբուսային երթուղիները մարտի 8-ից 10-ը Նոր Նորք կհասեն Ազատության պողոտայով և Դ. Անհաղթ փողոցով, հայտնում է Երևանի քաղաքապետարանը:
Նույն սկզբունքով, ըստ անհրաժեշտության, կկազմակերպվի հետադարձ ուղղության երթևեկությունը: Տրոլեյբուսային հ.1 երթուղին էլ այդ օրերին կհասնի մինչև Կորյունի փողոց, որից հետո հետադարձ կկատարի:
Ավելի վաղ հայտնի էր դարձել, որ Մյասնիկյան պողոտան հատող Նորքի ջրանցքի երկաթյա խողովակաշարը նորով փոխարինելու աշխատանքներով պայմանավորոված՝ մարտի 8-ին՝ ժամը 08:00-ից մինչև մարտի 10-ը՝ ժամը 23:00-ն, փակ է լինելու Մյասնիկյան պողոտայի Նոր-Նորք վարչական շրջանից դեպի Կենտրոն վարչական շրջան ուղղությունը:
Երթևեկությունն իրականացվելու է հանդիպակաց ուղղության մեկ երթևեկելի գոտու հաշվին:–0–