Իոսիֆ Կոբզոն. Հայաստանում ինձ հյուր չեմ զգում

ԵՐԵՎԱՆ, 22 սեպտեմբերի. /Նովոստի–Արմենիա/. Էստրադային հայտնի երգիչ, ԽՍՀՄ ժողովրդական արտիստ, Սպիտակ քաղաքի պատվավոր քաղաքացի Իոսիֆ Կոբզոնը հայ լրագրողների հետ հանդիպման ժամանակ հայտարարեց, որ իրեն Հայաստանում հյուր չի զգում։

Լրագրողների հետ Կոբզոնի հանդիպումը տեղի է ունեցել Երևանում արտիստի բարեգործական համերգի նախօրեին, որը տեղի կունենա սեպտեմբերի 23–ին «Արամ Խաչատրյան» համերգասրահում «Միասին» բարեգործական ծրագրի շրջանակում։

«Բավականին հաճախ եմ Հայաստան այցելում և հիմնականում ուրախ առիթներով։ Չնայած, երբ գալիս եմ, միշտ այցելում եմ նաև «տխուր» վայրեր, քանի որ իմ հայ ընկերների գերեզմաններն այցելելն արդեն ավանդույթ է դարձել»,– ասաց Կոբզոնը։



Նա նաև նշեց, որ Հայաստանում միշտ այցելում է իր սիրելի հայ կոմպոզիտոր Առնո Բաբաջանյանի հուշարձան։

«Ոչ մի տեղ նման էմոցիոնալ հուշարձան չեմ հանդիպել», – նշեց երգիչը։

Նա նաև ընդգծեց, որ հեշտ չէր հրավիրել և Հայաստան բերել արվեստի վաստակավոր գործիչ Պավել Օվսյաննիկով գլխավորած նվագախումբը։

«Համերգը հիմնականում բարեգործական է, իսկ տոմսերից ստացված հասույթը, որոնք կվաճառվեն «Թովմասյան» հիմնադրանի նախագահի որոշմամբ, կուղղվի ուռուցքային հիվանդություններից տառապող երեխաներին», – ավելացրեց Կոբզոնեը։

Արտիստը նաև հիշեց հայտնի հայ կոմպոզիտորներին, որոնց երգերը կատարել է իր կարիերայի ընթացքում։

Համերգի ժամանակ Կոբզոնը կկատարի 20–րդ դարի հայ կոմպոզիտորների ստեղծագործությունները։ Համերգին կմասնակցեն նաև կոմպոզիտոր Ռոբերտ Արզումանյանը, Սոնա Շահգելդյանը, Աննա Թաշչյանը, Արամեն, Հայկոն, Մհերը, Էրիկը, Սոնա Ռուբինյանը և ուրիշներ։–0–