ԵՐԵՎԱՆ, 11 մայիսի. /Նովոստի–Արմենիա/. Հայաստանի վարչապետ Նիկոլ Փաշինյանը նախօրեին հանդիպել է «Բարգավաճ Հայաստան» կուսակցության առաջնորդ Գագիկ Ծառուկյանի հետ, հայտնում են հայկական լրատվամիջոցները։
Մասնավորապես, «Ժողովուրդ» թերթը գրում է, որ հանդիպման արդյունքներով հստակ պայմանավորվածություն է ձեռք բերվել նախարարական չորս պորտֆելների վերաբերյալ։
«Դա Արտակարգ իրավիճակների նախարարությունն է, Էներգետիկայի և բնական պաշարների նախարարությունը, Տրանսպորտի, կապի և տեղեկատվական տեխնոլոգիաների նախարարությունը և Բնապահպանության նախարարությունը»,– նշում է պարբերականը, չբացառելով, որ պորտֆելների թիվը կարող է նաև աճել, քանի որ Սպորտի և երիտասարդության նախարարությունը միշտ գլխավորել են Ծառուկյանի համախոհները։
Загружается новость ...
"Право"
Գրառման մեջ նշվում է, որ հանդիպմանը քննարկվել է Երևանի վարչական շրջանների ղեկավարի հարցը, ինչը խոսում է այն մասին, որ Երևանի քաղաքապետ Տարոն Մարգարյանի հրաժարականը սարերի հետևում չէ։
«Ժամանակ» թերթն իր հերթին գրում է, որ Ծառուկյանը վարչապետի հետ հանդիպումից հետո «Ծառուկյան դաշինք» խմբակցության անդամներին հայտնել է, որ նրանք կմտնեն կոալիցիոն կառավարության կազմի մեջ և պետք է պատրաստ լինեն թիմային աշխատանքի։
Հրապարակման մեջ նշվում է, որ, բացի նախարարական պորտֆելներից, դաշինքը կստանա փոխվարչապետներից մեկի, արդարադատության փոխնախարարի և Գլխավոր դատախազի տեղակալի պաշտոնները։ -0-