Ժամանակավորապես փակ կլինի Ներքին Չարբախից դեպի Դարակերտ բնակավայր տանող ճանապարհահատվածը

ԵՐԵՎԱՆ, 18 օգոստոսի․/Նովոստի–Արմենիա/. Ներքին Չարբախից դեպի Դարակերտ բնակավայր տանող ճանապարհահատվածը ժամանակավորապես փակ կլինի։

Տ-2-3, Ներքին Չարբախ-Դարակերտ-Հ-13 (Դաշտավան) ճանապարհի կմ0+000-կմ2+200 հատվածի հիմնանորոգման աշխատանքներով պայմանավորված՝ օգոստոսի 20-ին և 21-ին՝ ժամը 09.00-ից մինչև 19.00, փակ է լինելու Ներքին Չարբախից դեպի Դարակերտ բնակավայր տանող ճանապարհահատվածը, հայտնում են Ճանապարհային դեպարտամենտից:

Որպես այլընտրանքային երթուղի առաջարկվում է Նորաբաց բնակավայրից դեպի Հ-13 ճանապարհը։

Կարդացեք նաև․ Telegram–ում և WhatsApp–ում «Alibaba»-ի անվամբ կեղծ հայտարարություններ ու խմբեր են տարածվում․ Կիբեռոստիկանությունը զգուշացնում է