Փաշինյանը ԱՄՆ կոնգրեսականի հետ քննարկել է Հայաստանի և Ադրբեջանի միջև խաղաղությունը և TRIPP նախագիծը
ԵՐԵՎԱՆ, 18 օգոստոսի․/Նովոստի-Արմենիա/. Վարչապետ Նիկոլ Փաշինյանն ընդունել է ԱՄՆ Կոնգրեսի Ներկայացուցիչների պալատի անդամ Աբրահամ Համադեին, հայտնում են վարչապետի աշխատակազմից։
Վարչապետը կարևորել է Հայաստան–ԱՄՆ հարաբերությունների հետևողական զարգացումը և նշել, որ վերջին շրջանում այն կրում է դինամիկ բնույթ։
Փաշինյանն ընդգծել է երկկողմ փոխգործակցության հարուստ օրակարգի հետևողական առաջմղման անհրաժեշտությունը՝ վստահություն հայտնելով, որ ՀՀ–ԱՄՆ կապերը կշարունակեն ընդլայնվել ինչպես քաղաքական, այնպես էլ տնտեսական և տեխնոլոգիական ոլորտներում։
Համադեն կարևորել է երկխոսության զարգացումը նաև խորհրդարանական ձևաչափով, ինչպես նար անդրադարձել Հայաստանի և Ադրբեջանի միջև խաղաղության հաստատմանը։
Զրուցակիցները մտքեր են փոխանակել տարածաշրջանային գործընթացների, ինչպես նաև TRIPP նախագծի իրականացման ընթացքին վերաբերող հարցերի շուրջ։
Կարդացեք նաև․ Բանակում քրեական ենթամշակույթի դեմ համակարգային պայքար է ընթանում. Պապիկյան
