Ուշադրություն. անոմալ շոգ է սպասվում Երևանում

ԵՐԵՎԱՆ, 26 հունիսի. /Նովոստի–Արմենիա/. ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը գրառում է կատարել Facebook–ում։

Օդերևութաբանը նորմայից բարձր ջերմաստիճան է կանխատեսում, ինչը պայմանավորված է արևադարձային լայնություններից ներթափանցող տաք օդային ալիքի ազդեցությամբ։

«Հունիսի 27-29-ին Հայաստանը գտնվելու է արևադարձային լայնություններից ներթափանցող տաք օդի ալիքի ազդեցության գոտում, սպասվում է բարձր ջերմային ֆոն»,– գրել է նա։

Ըստ Սուրենյանի, Արարատյան դաշտում և Երևանում ջերմաստիճանը կհասնի +38 աստիճանի, օդի միջին օրական ջերմաստիճանը նորմայից բարձր կլինի 5-6 աստիճանով։ -0-