ԵՐԵՎԱՆ, 1 մարտի․ /Նովոստի-Արմենիա/․ Հայաստանի առողջապահության նախարար Արսեն Թորոսյանը կոչ է արել քաղաքացիներին հանդիպելիս չհամբուրվել և չբարևել ձեռքսեղմումով։
Նրա խոսքով, այդ սովորություններից հրաժարվելը կարող է օգնել կորոնավիրուսի տարածման կանխարգելումը։
Կիրակի գիշերը գրանցվել է կորոնավիրուսով վարակման հաստատված դեպք։ Հիվանդը Հայաստանի 29-ամյա քաղաքացի է, ով Հայաստան է ժամանել Թեհրանից փետրվարի 28-ին իր կնոջ հետ։
«Շուտով եղանակները տաքանան և կարող եք ավելի ջերմ բարևել միմյանց»,- ասաց նախարարը կիրակի, ասուլիսի ժամանակ։
Թորոսյանը նաև կոչ արեց ավելի հաճախ օդափոխել սենյակները, խուսափել մարդաշատ վայրերից և հետևել անձնական հիգիենային։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում