ԵՐԵՎԱՆ, 9 հուլիսի./Նովոստի-Արմենիա/. Աշխարհում միտումներն այնպիսին են, որ դեռևս չկա որևէ տվյալ, որ այս համաճարակը գնալու է անկման, իհարկե Հայաստանում պետք է առավելագույնն անենք դա իրականցնելու համար, բայց պետք է նաև հասկանանք, որ աշխարհից կտրված չենք: Այս մասին այսօր՝ հուլիսի 9-ին կառավարոթւյան նիստի ժամանակ հայտնել է ՀՀ վարչապետ Նիկոլ Փաշինյանը՝ խոսելով պատվաստանյութի մասին:
Загружается новость ... "Лево"
Նա մասնավորապես, հայտնել է, կառավարության նախորդ նիստից հետո շատ քննարկվեց, թե ինչպես է, որ կորոնավիրուսի պատվաստանյութ չկա, բայց ՀՀ կառավարությունը և առողջապահության նախարարությունը բանակցում են պատվաստանյութ ձեռք բերելու համար:
«Քանի որ ամբողջ աշխարհը սպասում է պատվաստանյութի, մարդիկ գոյություն չունեցող, սակայն սպասվող պատվաստանյութի ձեռքբերման համար հերթ են կանգնում: Ըստ էության հիմա կան երկրներ, որոնք իրականացրել են գնում, այսինքն գումար են փոխանցել և ահռելի քանակությամբ այդ գնումն արել են, ապառիկ ձևով ձեռք են բերել: Եվ սա մտավախություն է առաջացնում, որ պատվաստանյութի ստեղծման պահից խմբաքանակները ամբողջությամբ կհայտնվեն մի քանի երկրների տրամադրության տակ: Հիմա մեխանիզմներ են մտածվում, թե ինչ անել, որ դա տեղի չունենա»,- նշեց Փաշինյանը:
Առողջապահության նախարարը մի քանի հավելյալ տեղեկություն տրամադրեց:
«Իրականում պատվաստանյութ կա, կան բազմաթիվ պատվաստանյութեր, խոսքը վերջնական հաստատում ստանալու մասին է: Ավելին ասեմ, ընկերություններ կան, որոնք տասնյակ հազարներով արդեն արտադրել են, և դրանք կան որպես վերջնական պրոդուկտ, որպեսզի շարունակեն կլիինիկական փորձարկումները: Խոսքն այստեղ հաստատում ստանալուց հետո արագ բաշխման մասին է, ոչ թե այդ ապրանքի լինել-չլինելու: Ամենայն հավանականությամբ, վերջնական հաստատումը լինելու է ոչ թե մեկը, այլ մի քանիսը»,- նշել Թորոսյանը: -0-
