ԵՐԵՎԱՆ, 4 հուլիսի./Նովոստի–Արմենինա/. ՀՀ կառավարության գործողությունները քննադատող երկու անկախ հեռուստաալիքների գրասենյակներում ուրբաթ ոստիկանությունը ստուգումներ էր անցկացնում` կորոնավիրուսի համավարակի ժամանակ կանխարգելիչ կանոնների ենթադրյալ խախտումների կապակցությամբ։ ԶԼՄ–ներն այդ ամենն անվանել են քաղաքական ճնշում, գրում է
New York Times–ը` հղում անելով The Associated Press–ին։
Նախօրեին ոստիկաններն այցելել են ArmNews և 5–րդ ալիք հեռուստաընկերություններ` հեռուստաեթերում դիմակ չկրելու համար վարչական վարույթ հարուցելու համար։
Ինչպես գրում է հրատարակությունը, ոստիկանությունը հայտարարել է, որ եկել է ստուգելու բողոքներն այն հարցի շուրջ, որ ArmNews–ի հաղորդավարը եթերում է հայտնվել առանց բժշկական դիմակի։ Հեռուստաալիքի ղեկավարները հայտարարել են, որ Հեռուստատեսության և ռադիոյի հանձնաժողովի ղեկավարն ավելի վաղ հայտարարել է, որ պարտադիր չէ, որպեսզի հաղորդավարները եթերում դիմակ կրեն։
Ոստիկանները նաև այցելել են 5–րդ ալիք նմանատիպ բողոքը ստուգելու համար։
Երկու հեռուստաալիքները քննադատել են ՀՀ վարչապետ Նիկոլ Փաշինյանի գործունեությունը` մանրամասն ուսումնասիրելով նրա կառավարության արձագանքը կորոնավիրուսի համավարակի նկատմամբ և նրա վարած տնտեսական քաղաքականությունը։
Հուլիսի 4-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 27900 դեպք, որոնցից 15935-ն` առողջացած, 477-ը` մահվան ելքով։–0–
