575.46
6.57
485.33
+18
Եղանակը Երևանում
Հայ
ԿԱՅԾԱԿ Բոլոր նորությունները կորոնավիրուսի մասին, ՀՀ–ում սահմանվել է արտակարգ դրություն, գրանցվել է վարակի 39050 դեպք. ԹԱՐՄԱՑՎՈՂ

The Guardian. ԱՄՆ Պետդեպը ՀՀ-ում ֆինանսավորում է COVID-19-ի մասին ապատեղեկատվություն տարածող կայք. պարզաբանում ենք իրավիճակը

11:41
30 Մայիսի 2020

ԵՐԵՎԱՆ, 29 մայիսի./Նովոստի-Արմենիա/. Բրիտանական The Guardian թերթը մայիսի 28-ին հրապարակել է հոդված, ըստ որի ԱՄՆ կառավարությունը Հայաստանում ֆինանսավորում է Medmedia.am կայքը, որը տարածում է ապատեղեկատվություն կորոնավիրուսի համավարակի մասին, այդ թվում զգուշացումներ, որ հայերը պետք է հրաժարվեն պատվաստման ապագա ծրագրերից:

Загружается новость ... "Лево"

«Նովոստի-Արմենիա» գործակալությունը պարզում է իրավիճակը և ներկայացնում այս պատմության բոլոր կողմերի տեսակետները:

ОpenDemocracy-ի հրապարակումը

Ինչպես նշվում է հրապարակման մեջ, ՕpenDemocracy բրիտանական լրատվական կայքի ուսումնասիրության համաձայն, medmedia.am ինտերնետ-աղբյուրը գործարկվել է ԱՄՆ Պետդեպարտամենտի դրամաշնորհի միջոցներով, որոնք նախատեսված են ժողովրդավարության գաղափարների խթանման համար: Այնումենայնիվ, փոխարենը օգտագործվում էր COVID-19-ի մասին կեղծ տեղեկատվություն տարածելու համար:

«Դրամաշնորհը տրամադրվել էր «Երիտասարդ բժիշկների հայկական ասոցիացիային», որը գործարկել էր կայքը անցած տարի և որը գլխավորում էր բժիշկ Գևորգ Գրիգորյանը: Աղբյուրի ամենամեծ տարածում գտած հոդվածների թվում կան հոդվածներ, որոնք COVID-19-ը «կեղծ համավարակ» են որակում և տարածում ապատեղեկատվություն այն մասին, որ դիահերձարաններից մեկում մահացած պացիենտի ընտանիքին առաջարկել էին մի քանի հարյուր դոլար, եթե հարազատները հաստատեն, որ վերջինս մահացել է կորոնավիրուսից»,- նշվում է հրապարակման մեջ:

Ինչպես գրում է թերթը, Գրիգորյանը հայտնի է Առողջապահության նախարարության հասցեին ուղղված իր խիստ քննադատությամբ: Նա նաև հանդես էր գալիս ընդդեմ ԼԳԲՏ-ի, այդ թվում 2014թ.-ին Facebook-յան հրապարակումներից մեկում վերջինս կոչ էր անում «այրել համասեռամոլներին»:

Պատվաստման դեմ կոչերի հերքումը

Համաձայն The Guardian-ի, Գրիգորյանը հերքում է, որ կապ ունի որևէ կոնկրետ քաղաքական կուսակցության հետ, և որ Medmedia.am-ը կամ փաստերի հավաքագրման գծով նախագիծն ուղղված են կառավարության դեմ: Նրա խոսքով, (COVID-19-ի) վիճակագրությունը խոսում է իր փոխարեն:

Գրիգորյանը հայտնել է The Guardian-ին, որ ԱՄՆ դեսպանատունը Հայաստանում կապ է հաստատել իր հետ և մտահոգություն հայտնել՝ կայքում տեղ գտած նրա հոդվածների առնչությամբ:

«Ես համոզված եմ, որ կարողացա պատասխանել բոլոր այդ հարցերին, և այդ մտահոգությունները վերացան: Կայքը պատվաստման դեմ ուղղված ֆորում չէ»,- նշել է նա:

Բժիշկը նույնպես հայտնել է, որ կայքի «ստեղծման նպատակը հանրության ձայնը լսելի դարձնելն է»: Գրիգորյանը նշել է, որ չի կիսում հոդվածագիրների, փարձագետների և ՀԿ-ների ղեկավարների կարծիքները, բայց քանի որ դրանք ֆեյք չեն, ապա չեն ջնջվելու: Նա նույնպես հերքել է, որ հոդվածները կարող են վտանգ ներկայացնել հանրային առողջապահության համար՝ հայտնելով, որ դրանք «քննարկումների առիթ են ստեղծում»:

Загружается новость ... "Право"

ԼԳԲՏ-ի դեմ նախկինում արված հայտարարությունները մեկնաբանելով, այդ թվում «ես միշտ պայքարելու եմ համասեռամոլների դեմ» արտահայտությունը՝ նա հայտնել է, որ դրանք սխալ են մեկնաբանվել և առաջացել են «հակահասարակական վարքի» կոնկրետ դեպքերի հետևանքով:

Իսկ 2014թ.-ի Facebook-յան հրապարակման («գեյերին պետք է այրել հասարակական վայրերում») վերաբերյալ հարցին՝ Գրիգորյանը նշել է, որ այդ հրապարակումը եղել է «Քրեական ընթերցվածք» («Криминальное чтиво») ֆիլմի հղումը և ինքնին հումոր էր:

ԱՄՆ Պետդեպարտամենտը հրաժարվել է մեկնաբանել

Միաժամանակ ԱՄՆ Պետդեպարտամենտը հրաժարվել է  մեկնաբանել The Guardian-ի հարցերը դրամաշնորհի չափերի կամ դրա վերանայման գործընթացի վերաբերյալ: Հայաստանում ԱՄՆ դեսպանատան կայքում հաղորդվում է, որ Ժողովրդավարության հանձնաժողովի Փոքր դրամաշնորհային ծրագրի շրջանակում մինչև 50 հազ. դոլար չափով դրամաշնորհները տրվում են մրցակցային հիմունքներով տեղական ՀԿ-ների կողմից:

«Դրանք կոչված են կենտրոնանալու այնպիսի հարցերի վրա, ինչպիսիք են կառավարման մեջ թափանցիկությունն ու հաշվետվողականությունը, մարդու իրավունքների խթանումը, կառուպցիայի վերացումը և տնտեսական աճի և զարգացման արագացումը»,- հայտնել են Պետդեպից:

Ոչ աշխատանքային օր medmedia.am-ի համար 

Medmedia.am կայքի տնօրեն Սարգիս Ավագյանը հայտնել է «Նովոստի-Արմենիայի» թղթակցին, որ պատրաստ է մեկնաբանել The Guardian-ի հրապարակումը միայն մի քանի օր հետո:

«Հրապարակումը ես կմեկնաբանեմ հունիսի 1-ին»,- նշել է նա: Ընդ որում գործակալության կրկնակի հարցմանը նա հայտնել է, որ երկրում ոչ աշխատանքային օր է:

(Մայիսի 28-ին Առաջին հանրապետության օրվա հետ կապված մայիսի 29-ի աշխատանքային օրը տեղափոխվել էր մայիսի 23-ին):

ՀՀ Առողջապահության նախարարության մեկնաբանությունը

ՀՀ առողջապահության նախարարության մամուլի քարտուղար Ալինա Նիկողոսյանը «Նովոստի-Արմենիա» թղթակցի հետ զրույցում մեկնաբանել է The Guardian-ի հրապարակման շուրջ ստեղծված իրավիճակը՝ անթույատրելու որակելով ոչ հաստատված տեղեկատվության տարածումը, որը կարող է վերաբերել քաղաքացիների առողջությանը և հանրային անվտանգությանը:

Загружается новость ... "Лево"

«Առողջապահության նախարարության գնահատմամբ, համավարակի պայմաններում անթույլատրելի է ինչ-որ չիպավորման կամ դիահերձարանում փողի դիմաց մահացածի մոտ կորոնավիրուսի գրանցման մասին տեղեկատվության տարածումը: Իմ անձնական կարծիքով, նման ապատեղեկատվությունը խարխլում է ինչպես երկրի առողջապահական համակարգի, այնպես էլ իրականացվող միջոցառումների նկատմամբ վստահությունը»,- նշել է նա:

Նիկողոսյանը հայտնել է, որ անձամբ է դարձել ականատեսն այն բանի, երբ սոցցանցերում ստեղծվել են բավականաչափ շատ խմբեր, որոնցում մարդկանց կոչ է արվում չկրել դիմակներ, քանի որ վարակը, իբրև թե, գոյություն չունի:

«Հենց նման կայքերի միջոցով է սոցիալական կարծիքի վրա ազդեցություն իրականացվում, ինչը հանգեցնում է կառավարության հակահամաճարակաբանական միջոցառումներին բնակչության մի մասի հակառակությանը»,- նշել է նա: 

Պատասխանելով հարցին այն մասին, թե ինչու նման կայքերի գոյությունը հետաքրքրել է արտասահմանյան հրատարակություններին, քարտուղարը հիշեցրել է, որ նման տեղեկատվական ռեսուրսների գործունեության մասին նախարարությունը բազմիցս է հաղորդել՝ կոչ անելով բնակչությանը չառաջնորդվել այդ հրապարակումներով:

«Առողջապահության նախարարությունը The Guardian-ի հրապարակումից առաջ հանդես էր եկել հերթական հերքմամբ: Այնուամենայնիվ, խոսքի ազատության պայմաններում նման ռեսուրսների վրա ազդեցության որևէ մեխանիզմներ չկան: Մնում է, որ մեր քաղաքացիները գիտակցեն վտանգը, որ պարունակում են նման հրապարակումները»,- նշել է Նիկողոսյանը:

Կորոնավիրուսային իրավիճակը Հայաստանում

Հայաստանում մարտի 16–ին մեկ ամսով հայտարարվել էր արտակարգ դրության ռեժիմ կորոնավիրուսի տարածումը կանխելու նպատակով։ Մարտի 24–ից ապրիլի 12–ը գործում էին մարդկանց տեղաշարժի և տնտեսական գործունեության սահմանափակումներ։ Ապրիլի 13–ին կառավարությունը որոշեց մեկ ամսով երկարացնել արտակարգ դրության ռեժիմը` մինչև 2020թ.–ի մայիսի 14–ը ժամը 17։00–ն։ Մայիսի 14-ին կառավարությունը կրկին երկարաձգել է արտակարգ դրության ռեժիմը՝ մինչև 2020 թվականի հունիսի 13-ը ժամը 17:00-ն ներառյալ:

Ընդ որում մարտի 24–ից ապրիլի 12–ը գործում էին մարդկանց տեղաշարժի և տնտեսական գործունեության սահմանափակումներ, որոնք հանվել են մայիսի 4-ից, իսկ արդեն մայիսի 18-ից վերականգնվել է հասարակական տրանսպորտի, մարզասրահների, մանկապարտեզների և հանրային սննդի կետերը:

Հայաստանում մայիսի 30-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 8927 դեպք, որոնցից 3317-ն` առողջացած, 127-ը` մահվան ելքով: -0-

Partners News
Partners News
Ամենակարդացվող
ԱՌԿԱ գործակալություն
Բաժնի այլ նյութեր
20:08
02 Օգոստոսի 2020
Տավուշցիներն ունենալու են ավելի լավ տներ, քան ունեցել են հրետակոծությունից առաջ. մարզպետ (ՎԻԴԵՈ)
Մեծ թափով շարունակվում են հակառակորդի հրետակոծության հետևանքով սահմանամերձ գյուղերի շուրջ 100 վնասված շինությունների վերականգման աշխատանքները. ՎԻԴԵՈ
19:05
02 Օգոստոսի 2020
Օգոստոսի 3–ից կկազմակերպվեն դասեր հեռավար կրթությունից դուրս մնացած աշակերտների համար
ԿԳՄՍՆ–ից զգուշացնում են, որ օգոստոսի 3–ից կկազմակերպվեն դասեր հեռավար կրթությունից դուրս մնացած աշակերտների համար
18:21
02 Օգոստոսի 2020
«Ամերիա ճամփորդություն» վիճակահանություն. հնարավորություն բացահայտելու Հայաստանը մեզ հետ
Ամերիաբանկը Visa վճարային համակարգի հետ միասին հանդես է գալիս հատուկ առաջարկով
14:07
02 Օգոստոսի 2020
Կարճատև անձրև և ամպրոպ, օդի ջերմաստիճանը կնվազի 2-4 աստիճանով․ առաջիկա օրերի եղանակի տեսությունը
Կարճատև անձրև և ամպրոպ, օդի ջերմաստիճանը կնվազի 2-4 աստիճանով․ առաջիկա օրերի եղանակի տեսությունը
11:20
02 Օգոստոսի 2020
ՀՀ-ում նախօրեին կորոնավիրուսից 193 մարդ է առողջացել, 5-ը՝ մահացել․ նրանցից ամենաերիտասարդը եղել է 61 տարեկան
ՀՀ-ում նախօրեին կորոնավիրուսից 193 մարդ է առողջացել, 5-ը՝ մահացել․ նրանցից ամենաերիտասարդը եղել է 61 տարեկան
10:57
02 Օգոստոսի 2020
ՀՀ–ում մեկ օրում կորոնավիրուսի 209 նոր դեպք է հաստատվել. դեպքերի ընդհանուր թիվը հասավ 39050–ի
ՀՀ–ում մեկ օրում կորոնավիրուսի 209 նոր դեպք է հաստատվել. դեպքերի ընդհանուր թիվը հասավ 39050–ի
16:42
01 Օգոստոսի 2020
ԿԳՄՍ փոխնախարարը խոսել է սեպտեմբերից դպրոցների բացման հավանականության մասին
Քննարկվում է 3 սցենար. ԿԳՄՍ փոխնախարարը խոսել է սեպտեմբերից դպրոցների բացման հավանականության մասին
13:08
01 Օգոստոսի 2020
Սուրենյանը ներկայացրել է օգոստոսի եղանակի կանխատեսումը. ՄԱՆՐԱՄԱՍՆԵՐ
Սուրենյանը ներկայացրել է օգոստոսի եղանակի կանխատեսումը. ՄԱՆՐԱՄԱՍՆԵՐ
11:13
01 Օգոստոսի 2020
COVID-19–ից մահացել է 11 մարդ, 41–ամյա տղամարդը չի ունեցել քրոնիկ հիվանդություն. ԱՆ
COVID-19–ից մահացել է 11 մարդ, 41–ամյա տղամարդը չի ունեցել քրոնիկ հիվանդություն
10:55
01 Օգոստոսի 2020
291 դեպք` 1 օրում. Հայաստանում COVID-19–ի դեպքերը հասան 38841–ի
291 դեպք` 1 օրում. Հայաստանում COVID-19–ի դեպքերը հասան 38841–ի
09:00
01 Օգոստոսի 2020
Նորածնի դաժան սպանությունը, COVID-19–ի նահանջը, նոր նախարարի նշանակումը. ամփոփում ենք նախորդ շաբաթվա լրահոսը
Նորածնի դաժան սպանությունը, COVID-19–ի նահանջը, նոր նախարարի նշանակումը. ամփոփում ենք նախորդ շաբաթվա լրահոսը
22:24
31 Հուլիսի 2020
«Զվարթնոց» օդանավակայանին պարտավորեցրել են վերանայել ավտոկայանատեղիի սակագների բարձրացումը
«Զվարթնոց» օդանավակայանին պարտավորեցրել են վերանայել ավտոկայանատեղիի սակագների բարձրացումը