Անօրինական միգրանտներին աշխատանքի վերցնելու համար կարող է տասը տարվա ազատազրկում սահմանվել

ԵՐԵՎԱՆ, 27 հունվարի. /Նովոստի-Արմենիա/. Միգրացիայի դաշնային ծառայությունը (ՄԴԾ) հստակեցնում է, որ ՌԴ-ում անօրինական միգրացիայի կազմակերպման համար նախատեսված պատժի չափն առաջարկում է ավելացնել ընդհուպ մինչև տասը տարի ազատազրկում:

Հինգշաբթի կայացած ՄԴԾ-ի կոլեգիայի ամփոփիչ նիստի ժամանակ ՌԴ վարչապետ Վլադիմիր Պուտինն առաջարկել է քրեական պատասխանատվություն կիրառել այն մարդկանց նկատմամբ, ովքեր առանց թույլտվության աշխատանքի են վերցնում միգրանտների և օթևան եմ տրամադրում: «Խոսքը ՌԴ ՔՕ 322,1 հոդվածում (անօրինական միգրացիայի կազմակերպում) նախատեսված փոփոխությունների մասին է: 332-րդ հոդվածի առաջին մասի հատկանիշներով սահմանված խախտումների համար առաջարկվում է պատժի ժամկետը երկու տարուց հասցնել հինգ տարի ազատազրկման, իսկ 2-րդ մասի հատկանիշներով սահմանված խախտումների համար՝ հինգ տարուց հասցնել տասը տարի ազատազրկման», - ուրբաթ «ՌԻԱ Նովոստիին» տեղեկացրել են ՄԴԾ-ի մամուլի ծառայությունից, հաղորդում է «ՌԻԱ Նովոստին»:

Առաջարկները, որոնք ՌԴ վարչապետը ներկայացրել է հինգշաբթի կայացած ՄԴԾ-ի կոլեգիայի նիստի ժամանակ, կոնկրետացրին այն թեզերը, որոնք առաջիկա նախագահական ընտրությունների ֆավորիտը շաբաթվա սկզբում հրապարակել էր «Նեզավիսամայա գազետա» թերթում լույս տեսած իր ծրագրային հոդվածում և ներկայացրել էր Կիսլովոդսկում կայացած Ռուսաստանի հարավի ժողովուրդների համաժողովի ժամանակ:

ՄԴԾ-ի տեղեկատվության համաձայն՝ այժմ Ռուսաստանի տարածքում բնակվում է շուրջ 9,2 մլն օտարերկրացի, որոնցից շուրջ 4 միլիոնը, չնայած հաշվառված են միգրացիոն ծառայություններում, սակայն աշխատում են անօրինական:-0-