Ռուսական հեռուստաալիքները երգերի հեղինակներին և կոմպոզիտորներին 617 միլիոն ռուբլի կվճարեն 2008 թ.-ի համար. թերթ

Ռուսաստանի հեղինակային միությանը (ՌՀՄ) հաջողվել է ստիպել հեռուստաալիքներին պարգևատրություններ վճարել էկրաններից հնչած երգերի հեղինակներին և կոմպոզիտորներին: Հեռուստաալիքները 2008 թ.-ի համար կվճարեն 617 մլն ռուբլի, չորս անգամ պակաս, քան հույս ուներ ՌՀՄ-ն, ուրբաթ գրում է «Վեդոմոստի» թերթը:

ՌՀՄ-ն հեղինակային վճարումների մասին պայմանագրեր է ստորագրել Հեռուստա և ռադիոհեռարձակման պետական համառուսական (ВГТРК) և «Պրոֆ-մեդիա» ընկերությունների հետ, տեղեկացրել է միության գլխավոր տնօրենի տեղակալ Իգոր Բազիլևսկին: Նման վճարումների հասնելու համար ՌՀՄ-ին պահանջվել է ՌԴ նախագահի վարչակազմի և Կապի, տեղեկատվական տեխնոլոգիաների և զանգվածային հեռահաղորդակցությունների ոլորտի վերահսկողության դաշնային ծառայության օգնությունը: Այժմ եթերում հնչած երաժշտության համար պարգևատրումներ կվճարեն բոլոր եթերային հեռուստաալիքները, բացի ԴՏՎ-ից (մտնում է CTC Media-ի կազմի մեջ), պարզաբանել է Բազիլևսկին, հաղորդում է «ՌԻԱ Նովոստին»:

Նախորդ տարվա արդյունքներով՝ հեռուստաալիքները ՌՀՄ-ին կվճարեն 617,2 միլիոն ռուբլի կամ միության հավաքած բոլոր գումարների 29,6 տոկոսը:-0-