Ռուսաստանի փոխվարչապետ Ալեքսանդր Ժուկովը կարծում է, որ Սանկտ-Պետերբուրգը կարող է հավակնել 2020թ. Ամառային օլիմպիադայի անցկացմանը։ «ՌԻԱ Նովոստիի» հաղորդմամբ, այս կարծիքը նա հինգշաբթի հայտնել է «Ռուսսկայա սլուժբա նովոստեյ» ծառայության եթերում։
«Կարծում եմ, դա լիովին իրատեսական նախագիծ է»,- ասել է Ժուկովը՝ հիշեցնելով, որ Սանկտ-Պետերբուրգն արդեն հայտ ներկայացրել է՝ Օլիմպիական խաղերի անցկացման համար։
Արդեն ունենալով 2014թ.-ի Սոչիի խաղերը՝ հավակնել նաև 2016թ.-ի Օլիմպիական խաղերին, «իրատեսական չէ», կարծում է փոխվարչապետը։ «Մյուս խաղերին (2020թ.) լիովին կարող ենք հավակնել։ Կարծում եմ, որ Ամառային խաղերի համար այնտեղ (Սանկտ-Պետերբուրգում) կան բոլոր հնարավորությունները»,- եզրակացրել է ժուկովը։–0—
