ՔՊ–ն թեկնածուներ է առաջադրել ԱԺ փոխխոսնակների պաշտոններում
ԵՐԵՎԱՆ, 30 հունիսի․/Նովոստի–Արմենիա/․ ԱԺ փոխխոսնակների թեկնածուներ են ընտրվել Հայկ Կոնջորյանը և Վահագն Ալեքսանյանը, քաղաքական ուժի վարչության նիստի արդյունքներով հայտնել է ՀՀ վարչապետ, իշխող «Քաղաքացիական պայմանագիր» կուսակցության ղեկավար Նիկոլ Փաշինյանը։
Նա հայտնել է, որ թեկնածուներն ընտրվել են փակ գաղտնի քվեարկության արդյունքներով։
Հունիսի 25-ին «Քաղաքացիական պայմանագրի» վարչությունը ԱԺ խոսնակի պաշտոնում ընտրել է Ռուբեն Ռուբինյանին, ով նախորդ՝ 8-րդ գումարման խորհրդարանում զբաղեցնում էր փոխխոսնակի պաշտոնը և հանդիսանում է հայ-թուրքական հարաբերությունների կարգավորման գծով Հայաստանի հատուկ ներկայացուցիչը։
Հայկ Կոնջորյանը զբաղեցնում էր «Քաղաքացիական պայմանագիր» խմբակցության ղեկավարի պաշտոնը, Վահագն Ալեքսանյանը խմբակցության պատգամավոր էր։
