Փոքրիկ справочка հատուկ առողջապահության նախարարի ու մարդկանց համար, ովքեր չեն հասկանում. Լուսինե Բադալյանը՝ Արսեն Թորոսյանին
ԵՐԵՎԱՆ, 31 մարտի./Նովոստի-Արմենիա/. Այսօր ԱԺ արտահերթ նիստում իշխող «Իմ քայլը» խմբակցության պատգամավոր Լուսինե Բադալայանն անդրադարձել է կորոնավիրուսի վարակակիրների նկատմամբ օնլայն վերահսկողություն սահմանելու օրինագծին:
«ԱԱԾ–ն մեզ չի պատկանում ու չի ենթարկվում, այդպիսի բան չկա և երկրորդը՝ զանգերը չեն լսվելու, առաջարկում եմ չմանիպուլացնել»,- նշել է նա ելույթի սկզբում:
Նա հիշեցրել է, որ երեկ Առողջապահության նախարարը երեկվա իր հարցազրույցներից մեկի վերնագիրը, որն արդեն մանիպուլացված էր, ծաղրի առարկա է դարձրել Facebook-ում։
«Ուզում եմ նախարարիչն և ընդհանրապես բոլորին վերահաստատել այն ինչ երեկ ասել եմ ու փոքրիկ справочка հատուկ նախարարի ու մնացած մարդկանց համար, ովքեր չեն հասկանում։ Կորոնավիրուսը փոխանցվում է օդակաթիլային ճանապարհով և հետւեաբարա մահացածին դիահերձման ժամանակ, քանի որ օդակաթիլային ճանապարհով չի կարող անցնել, քանի որ դիակը չի շնչում, չի հազում և չի փռշտում, հետևաբար վարակը փոխանցվում է մակերեսների հետ շփման միջոցով։ Հետևաբար դիահերձման կանոնները պետք է համապատասխանեն վարակիչ կամ սուր վարակիչ հիվանդություններից մահացած մարդկանց դիահերձման կանոններին»,– նշել է պատգամավորը։
Բադալյանն առաջարկեց՝ Facebook-յան չարաճճիությունների և վերնագրեր մանիպուլացնելու փոխարեն, ոլորտին և նախագծին վերաբերող ելույթները լսել ամբողջությամբ:
«Դա մեկ, հնարավոր է շատ բան սովորեք և երկրորդ, եթե մի օր ես որոշեմ ձեր բոլոր սխալները պարոն նախարար, մանիպուլացնել կամ դնել Facebook-յան քվեարկության կամ էլ այստեղից հայտնել՝ հետևանքները վստահ եմ հաստատ ձեզ հաճույք չեն պարգևի և ես կարծում եմ, որ քննադատությանը պետք է ինչ որ կերպ դիմանալ եւ հիել, որ ԱԺ ցանկացած պատգամավոր կարող է արտահայտել ցանկացած միտք, կարող է քննադատել ցանկացած նախագիծ և որևէ մեկն իրավունք չունի նրան դրա համար ծաղրել, կարող է ամենաշատը նրա հետ քննարկել և նրան համոզել։ Առողջապահության նախարարն էլ, որ մի քիչ Facebook-յան չարաճճիությունների փոխարեն գործով զբաղված լիներ, շատ հնարավոր է, որ այսօր մենք չունենանյինք այս նախագծերի անհրաժեշտությունը»,- նշել է Բադալյանը:
Երկուշաբթի Հայաստանի խորհրդարանն արտահերթ նիստում ձայների մեծամասնությամբ (66 «կողմ», 16 «դեմ», երկու ձեռնպահ ձայներով) առաջին ընթերցմամբ ընդունեց «Բժշկական օգնության և հանրային ծառայությունների մասին» օրենքում: Ըստ օրենքի Հայաստանը կհրաժարվի կորոնավիրուսից մահացածների դիահերձումից: -0-
