Փաշինյանը հայտնել է, թե ումից առաջին հերթին օգնություն կխնդրի կորոնավիրուսի դեմ պայքարում (ՎԻԴԵՈ)
19:16
11 Հունիսի 2020
ԵՐԵՎԱՆ, 11 հունիսի․ /Նովոստի-Արմենիա/․ ՀՀ վարչապետ Նիկոլ Փաշինյանը, պատասխանելով հինգշաբթի «Նովոստի-Արմենիա» գործակալության հարցին, խոսեց հանրապետության՝ կորոնավիրուսի դեմ պայքարում օգնություն ընդունելու պատրաստակամության մասին:
Загружается новость ... "Лево"
«Մենք պատրաստվում ենք օգնություն խնդրել առաջին հերթին ՀՀ քաղաքացիներից: Մեր ուղերձը հետևյալն է՝ սիրելի՛ հայրենակիցներ, օգնեք մեզ` օգնել ձեզ, և եկեք իրար օգնենք, որպեսզի այս խնդիրը հաղթահարենք: Դրա համար պետք է շատ պարզ բան՝ դնել դիմակ, ճիշտ դնել, ախտահանել ձեռքերը, պահպանել սոցիալական հեռավորություն, ընդհատակյա հարսանիքներ չանել, որովհետև դրանք կարող են դառնալ ընդհատակյա ողբերգություն»», - ասաց նա ճեպազրույցի ընթացքում:
Վարչապետը նաև հորդորեց չկազմակերպել «ընդհատակյա» հարսանիքներ, քանի որ դրանք կարող են դառնալ ընտանեկան ողբերգություն:
«Եթե այս հարսանիքներում մեկ-երկու հոգի վարակվեն և մահ արձանագրվի, դա կարող է երջանկությունը վերածել ընտանեկան դժբախտությունների», - ասաց Փաշինյանը:
Միաժամանակ, Կառավարության ղեկավարը նշեց իր պատրաստակամությունը՝ ընդունելու բարեկամական երկրների աջակցությունը, չնայած այն բանին, որ եթե առողջապահական համակարգի վրա բեռի մակարդակը մնա ներկայիս մակարդակում, հանրապետությունն ինքը կարող է հաղթահարել դժվարությունները:
«Մյուս կողմից, կան բարեկամ երկրներ, որոնք ցանկանում են աջակցություն ցուցաբերել Հայաստանին և իրենց պատրաստակամությունն են հայտնում դրա համար: Կարևոր է, որ չմերժենք այդ բարեկամական ժեստերը, որովհետև մենք կարծում ենք, որ դժվար պահերին բարեկամները հստակ ընդգծվում են, և այն երկրները, որոնք կանեն մեր նկատմամբ բարեկամական ժեստ. մենք, իհարկե, կընդունենք նրանց աջակցությունը», - ասաց Փաշինյանը:
Կառավարության ղեկավարը նշել է, որ նման ճգնաժամը լավ հիմք է բարեկամական երկրների հետ հարաբերությունների խորացման համար, և անհրաժեշտության դեպքում Հայաստանը նույնպես պատրաստ կլինի ցուցաբերել անհրաժեշտ օգնություն։-0-