Կրեք էդ անտերը. Արարատ Միրզոյանը կոչ է անում դիմակ կրել (ՎԻԴԵՈ)
13:29
19 Մայիսի 2020
ԵՐԵՎԱՆ, 19 մայիսի./Նովոստի-Արմենիա/. ՀՀ ԱԺ խոսնակ Արարատ Միրզոյանը այսօր ԱԺ նիստին իր ելույթի ժամանակ անդրադարձել է այսօր խորհրդարանում քննարկվող օրինագծին և արտակարգ դրության պայմաններում հանրային վայրերում դիմակ կրելու կարևորության մասին:
Загружается новость ... "Лево"
Հիշեցնենք, որ այսօր ԱԺ-ում առաջին ընթերցմամբ ընդունվել է Վարչական իրավախախտումների վերաբերյալ օրենսգրքում փոփոխություններ և լրացումներ կատարելու մասին օրինագիծը:
Օրինագծով նախատեսվում է 10 հազ.դրամ տուգանք՝ ազատ տեղաշարժման պայման-պահանջի խախտման համար, խոսքը վերաբերում է դիմակ չկրելու դեպքերին:
ԱԺ խոսնակ Արարատ Միրզոյանն, ամբիոնի մոտ գալով, նշել է, որ այս քննարկումը մի անեկդոտ է հիշեցրել իրեն:
«Ես շատ կարճ կկիսվեմ: Մեկը երեկոյան վերադառնում է տուն, ւ կնոջն ասում է՝ ես այսօր այս վաճառողին խաբել եմ, փողը տվել եմ, ապրանքը չեմ վերցրել: Եկեք հասկանանք, թե այս պատմության մեջ ով ում է խաբում և ինչի համար: Դուք ասում եք, որ դիմակ կրելն այս պարագայում պարտադիր ա, բայց այս պարագայում կարա մոտը չլինի, դեմքին չլինի, բայց պայուսակում լինի և այլն: Ժողովուրդ ջան, անվերջ կարելի է հնարել իրավիճակ, թե ոնց կարող է ինքը խուսափել պատժվելուց ու իրավական կարգավորումից»,- նշել է Միրզոյանը:
Միրզոյանը հարց է ուղղել, թե որն է իմաստը խուսափելու, չէ որ կառավարությունն այս ամենը ժողովրդին պաշտպանելու համար:
«Փաստ է, որ կա շանս, որ այս դիմակը կարող է օգնել փրկել մարդու կյանքը: Հիմա ասում ենք՝ կրեք էտ անտերը, ժողովուրդ ջան, ունեցեք մոտներդ»,- նշել է նա:
Նա նաև նշել է, որ այսօր ԱԺ-ում քննարկվող օրենքով կառավարությունը կունենա գործիքներ, որպեսզի ազդի, որպեսզի այս արտակարգ իրավիճակում ընդունված որոշումները, որոնք ուղղված են մարդկանց կյանքերը փրկելուն, իրագործվեն: -0-
Սննդամթերքի անվտանգության տեսչական մարմնի արտահերթ ստուգումը փաստում է՝ «Ջերմուկի» պարունակության մեջ չի կարող քացախ լինել, դա տեխնիկապես էլ հնարավոր չէ․ ՎԻԴԵՈ
