ԵՐԵՎԱՆ, 1 մարտի․ /Նովոստի-Արմենիա/․ Նոր կորանավիրուսը առավել վտանգավոր վարակների շարքում չէ, կիրակի տեղի ունեցած մամուլի ասուլիսի ժամանակ հայտնեց Հայաստանի առողջապահության նախարար Արսեն Թորոսյանը։
Կիրակի գիշերը Հայաստանում գրանցվել է կորոնավիրուսով վարակման հաստատված դեպք։ Հիվանդը Հայաստանի 29-ամյա քաղաքացի է, ով Հայաստան է ժամանել Թեհրանից փետրվարի 28-ին իր կնոջ հետ։
«Կորոնավիրուսը առավել վտանգավոր վարակների շարքում չէ, ինչպիսիք են ժանտախտը, էբոլան, խոլերան: Այն համարվում է շնչառական նոր վիրուս, որը փոքր-ինչ տարբերվում է նախկինում հայտնի, բայց միևնույն ժամանակ նման է հայտնի շնչառական վիրուսներին»,-ասաց նա:
Նախարարը շեշտեց, որ վարակի ուղիները, ախտանիշները և բուժման մեթոդները նման են: Տարեց բնակչության շրջանում մահացության մակարդակը տարբերվում է:
Միաժամանակ, նախարարն ասաց, որ Հայաստանում կան դեղեր, որոնք ապացուցել են իրենց արդյունավետությունը այլ երկրներում, օրինակ ՝ գրիպի և հակաբիոտիկների դեմ դեղերը:
«Այս պահի դրությամբ դրանք օգտագործելու կարիք նույնիսկ չկա», - ասաց նա:
Իրանը տվյալ պահին Չինաստանից հետո զբաղեցնում է երկրորդ տեղը կորոնավիրուսից մահացածների թվով՝ 43 մարդ։ Ընդհանուր առմամբ՝ երկրում գրանցվել է վարակման 593 դեպք։
Մեկ շաբաթվա ընթացքում Իրանից Հայաստան է ժամանել մոտ 360 մարդ, Իրանում Հայաստանի դեսպանությունը փետրվարի 19-ից աշխատում է արտակարգ ռեժիմով, գործում է թեժ գիծ, սահմանված է շուրջօրյա հեռախոսային և էլեկտրոնային կապով մշտական հերթապահություն։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում