Ինչպիսի՞ն է Հայաստանում կորոնավիրուսի հետ կապված վիճակը (ՔԱՐՏԵԶ)

ԵՐԵՎԱՆ, 24 հուլիսի./Նովոստի–Արմենիա/. 1 ամիս առաջ առողջապահության նախարար Արսեն Թորոսյանը հայտնեց, որ ստեղծվել է քարտեզ, որի միջոցով 50 մետրի ճշտությամբ կարելի է տեսնել այն հասցեները, որտեղ կան ինքնամեկուսացված քաղաքացիներ։

Քարտեզի պատկերն անընդհատ փոփոխվում է։ Քարտեզին կարող եք ծանոթանալ այս հղմամբ։

Այսօր Facebook-յան իր էջում ուղիղ եթերի ժամանակ ՀՀ վարչապետ Նիկոլ Փաշինյանը ասաց, որ հիմքեր կան պնդելու, որ մենք ոչ միայն մտել ենք կորոնավիրուսային ճգնաժամի հաղթահարման փուլ, այլ աշնանը հնարավոր երկրորդ ալիքին կարող ենք ավելի լավ դիմանալ: Այս մասին ։

Նա նշեց, որ հունիսի 14-ից հետո առաջին անգամ կորոնավիրուսի ակտիվ դեպքերի, այսինքն այս պահին բուժվող դեպքերի թիվը 10 հազարից ցածր է:

«Եթե դիմակի հետ կապված փոփոխություն լինի անելու, մենք առաջինը դա կշտապենք հայտարարել ու անել: Ուզում եմ վստահեցնել, որ մենք կանոնների բոլոր թուլացումները, որոնք այդ պահին հնարավոր են եղել, մենք արել ենք: [․․․] Այսօր էլ փոքր թիվ չի, 451 է այսօր եղել: Այնպես որ, եկեք այս անհարմարությունները մի փոքր երկար պահենք, բայց դուրս գալիս այնպես դուրս գանք, որ իսկապես դուրս գանք, ոչ թե իմիտացիա լինի»,- ասաց նա։

Հուլիսի 24-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 36613 դեպք, որոնցից 25734-ն` առողջացած, 692-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 9969 պացիենտ: Ընդհանուր առմամբ կատարվել է 153814 թեստավորում:-0-