ԵՐԵՎԱՆ, 18 մարտի./Նովոստի-Արմենիա/. ՀՀ-ում կորոնավիրուսով վարակման դեպքերի թիվն ավելացավ ևս 8-ով՝ հասնելով 110-ի: Այս մասին նշվում է Հայկական միասնական տեղեկատվական կենտրոնի Facebook-յան էջում:
«Մարտի 18-ի, ժամը 21:30-ի դրությամբ իրականացված կորոնավիրուսային հիվանդության (COVID-19) թեստավորման արդյունքում հաստատվել է ևս 8 դեպք: Բոլոր պացիենտների առողջական վիճակը բժիշկները գնահատում են բավարար»,- նշվում է տարածված հայտարարության մեջ:
Նաև հաղորդվում է, որ հանրագումարով` այս պահին արձանագրվել է 110 դեպք: Ունենք առողջացման 1 դեպք: Արդյունքների համաճարակաբանական վերլուծության տվյալները փաստում են, որ 94 դեպք փոխկապակցված է երկու առաջնակի դեպքերի հետ:-0-