ՀՀ պատմության թանգարանի աշխատակից Սեդա Գալստյանը պարգևատրվել է ՀՀ ԿԳՄՍՆ մեդալով
18.05.2026,
20:09
Հայաստանի պատմության թանգարանի Նոր և նորագույն պատմության բաժնի վարիչ Սեդա Գալստյանը պարգևատրվել է ՀՀ ԿԳՄՍՆ մեդալով։
ԵՐԵՎԱՆ, 18 մայիսի․/Նովոստի–Արմենիա/․ Հայաստանի պատմության թանգարանի Նոր և նորագույն պատմության բաժնի վարիչ Սեդա Գալստյանը պարգևատրվել է ՀՀ ԿԳՄՍՆ մեդալով։
Գալստյանը մեդալին արժանացել է մշակույթի բնագավառում ունեցած նշանակալի ավանդի, երկարամյա և անբասիր աշխատանքային գործունեության համար։
Մեդալը հանձնվել է մայիսի 18-ին՝ Թանգարանների միջազգային օրվա կապակցությամբ։
Այն Սեդա Գալստյանին շնորհել է ՀՀ Կրթության, գիտության, մշակույթի և սպորտի նախարար՝ Ժաննա Անդրեասյանը։
Նշենք, որ «Թանգարանների գիշեր» համաեվրոպական նախաձեռնության շրջանակում այսօր Հայաստանի պատմության թանգարանում երկարատև դադարից հետո վերաբացվել է «Գոյապայքար և վերածնունդ․ Հայաստանի Հանրապետություն» խորագրով մշտական ցուցադրությունը։
Պատճենել հղումը
