Գեղարքունիքում հաստատվել է կորոնավիրուսով վարակման 15 նոր դեպք՝ հասնելով 196-ի. մարզպետ

ԵՐԵՎԱՆ, 11 մայիսի./Նովոստի-Արմենիա/. Գեղարքունիքի մարզում հաստատվել է կորոնավիրուսային հիվանդության 15 նոր դեպք, ապաքինվել է ևս 10 քաղաքացի։ Այս մասին իր Facebook-յան էջում մարզպետը Գնել Սանոսյանը:

Նա հայտնել է, որ բոլոր նոր դեպքերը գրանցվել են մեկուսացված քաղաքացիների շրջանում։ Դեպքերի ընդհանուր թիվը՝ 196, ապաքինվածներինը՝ 36, իսկ մահվան դեպքերը՝ 3:

«Արձանագրվել է մահվան 1 դեպք, երբ պացիենտի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով»,- նշել է մարզպետը:

Հաստատված դեպքեր կան նաև մարզի Վարդենիս, Մեծ Մասրիկ, Շատվան, Սոթք, Նորակերտ, Ծովինար, Ծովազարդ, Սեւան, Դդմաշեն, Գեղամավան, Զովաբեր եւ Մարտունի (քաղաք) համայնքներում։

Հայաստանում մայիսի 11-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 3392 դեպք, որոնցից 1359-ն` առողջացած, 46-ը` մահվան ելքով:-0-