Եվս մեկ պացիենտ առողջացել է կորոնավիրուսից. Թորոսյան
ԵՐԵՎԱՆ, 31 մարտի./Նովոստի-Արմենիա/. ՀՀ Առողջապահության նախարար Արսեն Թորոսյանն Facebook-յան էջում հայտնել է, որ ունենք ևս 1 կորոնավիրուսից առողջացած:
«Ունենք ևս մեկ առողջացած պացիենտ: Առողջացածների թիվը դարձավ 31: Նաև մեկուսացումից դուրս են եկել 150 հոգի, որից 65-ը Իտալիայից հատուկ չվերթով ժամանած մեր քաղաքացիներն են: Առողջություն եմ մաղթում բոլորին»,- նշել է նախարարը:
Հայաստանում մարտի 16–ից ապրիլի 14–ը հայտարարվել է արտակարգ դրություն` երկրում կորոնավիրուսի տարածումը կանխելու նպատակով, ինչի կապակցությամբ մարտի 24–ին ժամը 23։59–ից մինչև մարտի 31–ը ժամը 23։59–ը Հայաստանում գործում են քաղաքացիների տեղաշարժման և տնտեսական գործունեության իրականացման նոր սահմանափակումներ։
Հայաստանում մարտի 31–ի ժամը 10։00–ի դրությամբ գրանցվել է կորոնավիրուսով վարակման 532 դեպք։ 31 մարդ բուժվել է։ Արձանագրվել է մահվան 3 դեպք:–0–
