ԵՐԵՎԱՆ, 8 ապրիլի․ /Նովոստի-Արմենիա/․ Այսօր ունենք կորոնավիրուսի 28 նոր դեպք՝ 311 թեստավորումից: Այս մասին Facebook-յան իր էջում հայտնել է ՀՀ վարչապետ Նիկոլ Փաշինյանը։
Ըստ գրառման՝ առողջացմամբ դուրս է գրվել 27 քաղաքացի: Բուժվածների ընդհանուր թիվը 114 է, հիվանդանոցում գտնվողներինը՝ 758: Պացիենտների մոտ 90 տոկոսը նույնիսկ ջերմություն չունի:
«Ընդհանուր առմամբ զգուշավոր լավատեսությունը պահպանում ենք: Եթե այս վիճակագրությունը շարունակվի, կնշանակի՝ կորոնավիրուսի պիկը հաղթահարել ենք և պիկը եղել է մարտի 31-ին»,- գրել է նա։
Վարչապետը հայտնել է, որ առավոտյան ունեցել ենք 1 մահ. 93-ամյա պացիենտ, ով տառապում էր նաև քաղցկեղով: Ծայրահեղ ծանր վիճակում գտնվում է 8 պացիենտ:-0-