Ամառը դեռ չի հեռանում Հայաստանից

09.09.2016, 10:21
Օդերևութաբանները տաք և արևային եղանակ են կանխատեսում Հայաստանում:
Ամառը դեռ չի հեռանում Հայաստանից
ԵՐԵՎԱՆ, 9 սեպտեմբերի. /Նովոստի–Արմենիա/. Օդերևութաբանները տաք և արևային եղանակ են կանխատեսում Հայաստանում, հայտնում է Հայհիդրոմետկենտրոնը։

Այսպես, սեպտեմբերի 9-13–ը հանրապետության բոլոր մարզերում և Երևանում տեղումներ չեն սպասվում։
Քամին կլինի արևմտյան` 3-8 մետր վայրկյան արագությամբ։

Օդի ջերմաստիճանն առաջիկա հինգ օրերին էապես չի փոխվի։

Ամենաբարձր ջերմաստիճանները կգրանցվեն Արարատի և Արմավիրի մարզերում, ինչպես նաև Վայոց Ձորի նախալեռներում և Երևանում, որտեղ օդը ցերեկային ժամերին կտաքանա մինչև 30-32 աստիճան տաքություն։ -0-