ԵՐԵՎԱՆ, 9 ապրիլի./Նովոստի–Արմենիա/. Համալսարանական հիվանդանոցում բարեհաջող ավարտվել է Covid 19 վարակ ունեցող 4–ամյա փոքրիկի դիմածնոտային միջամտությունը։
Загружается новость ... "Лево"
Այս մասին Facebook–յան իր էջում գիշերը հայտնել է ՀՀ նախկին առողջապահության նախարար, Բժշկական համալսարանի ռեկտոր Արմեն Մուրադյանը։
«Երեխան համալսարանական հիվանդանոց էր տեղափոխվել այսօր, դիմածնոտային վիրաբույժները շտապ ցուցումով իրականացրեցին վիրահատություն՝ մանկական վարակաբանի ներկայությամբ», – նշել է Մուրադյանը:
Նրա խոսքով, փոքրիկի վիճակը կայուն է, ներկա պահին գտնվում է բժիշկների հսկողության ներքո։
«Ի դեպ արդեն ժպտում է», – ավելացրել է Մուրադյանը։
Նա շնորհակալություն է հայտնել ԵՊԲՀ Մուրացանի բուժանձնակազմին` նշելով, որ նրանք լավագույններից են:
«Մնացեք տանը, օգնեք մեր բժիշկներին!!!», – նշել է Մուրադյանը։–0–