ԵՐԵՎԱՆ, 3 ապրիլի./Նովոստի–Արմենիա/. ՀՀ փոխվարչապետ, արտակարգ դրության ժամանակ պարետատան պարետ Տիգրան Ավինյանի որոշմամբ, Երևանում և Կապանում 6 ժամով արգելվել է մի շարք սուպերմարկետների գործունեությունը։
Загружается новость ... "Лево"
Ինչպես նշվում է պարետի որոշման մեջ, 2020 թվականի ապրիլի 1-ին և 2-ին իրականացված մշտադիտարկումների արդյունքում կազմված արձանագրությունների համաձայն, վեց ժամով արգելվում է հետևյալ տնտեսվարողներին պատկանող մասնաճյուղերի (սուպերմարկետների) գործունեության ծավալումը՝
1) «Նոր Զովք» ՍՊԸ` ք. Երևան, Ազատության պող. 11.
2) «Զանգեզուր հասկ» ՍՊԸ՝ ք. Կապան, Շինարարների 99.
3) «Կապանի հաց» ՍՊԸ՝ ք. Կապան, Ա. Մանուկյան 1-ին նրբ․ 9.
4) «Ռ․ Իսրաելյան» ՍՊԸ՝ ք. Կապան, Հունան Ավետիսյան 10.
5) «Գեղեցիկ Քնար» ՍՊԸ՝ ք. Կապան, Մ. Պապյան 16/Ա:
Հայաստանի Հանրապետության առողջապահական և աշխատանքի տեսչական մարմնի ղեկավար Հակոբ Ավագյանին հանձնարարվել է ապահովել տնտեսվարողներին սույն որոշման մասին տեղեկացումը։
Ինչպես նշվում է պարետի որոշման մեջ, տնտեսվարողի գերծունեությունը արգելվում է տեղեկացման պահից։
Հայաստանի Հանրապետության ոստիկանության պետ Արման Սարգսյանին հանձնարարվել է ապահովել սույն որոշման պահանջների կատարման նկատմամբ ամբողջական վերահսկողությունը։ Որոշումն ուժի մեջ է մտնում հրապարակման պահից։–0–